Prokýratýra qyzmetine jańa tehnologııalar engiziledi

Bas prokýror Jaqyp Asanovtyń tóraǵalyǵymen Bas prokýratýra alqasynyń otyrysy ótti. О́tken jylǵy jumystardyń qorytyndysy ekshelip, aldaǵy jyldyń josparyn naqtylaǵan keńeste turǵyndardyń quqyqtyq senimin aqtaý jóninde jáne basqa da jumystyń tásilderin túbegeıli ózgertý qajettiligi sóz boldy.   Bas prokýrordyń aıtqa­nyn­daı, bıyl prokýratýra or­gan­dary úsh negizgi mindetke – maman máse­le­sine, jańa tehno­lo­gııalarǵa jáne qylmystyq proseske basa kóńil bóletin bolady. О́tken jyl­­dyń maýsym aıynda «Pro­ký­ra­tý­raǵa – úzdik mamandar» jo­ba­­­synyń tusaýy kesilgen bolatyn.­ Sodan beri joba boıynsha 2000 kandıdattyń ishinen, eń úz­dik 128 maman jumysqa irik­tel­di.  «Bular – bizdiń alǵashqy qar­­lyǵashtarymyz. Bizdiń ashyq­t­y­­ǵymyzǵa sengen olardyń kóz­d­e­­rinde oty bar jastar jáne kó­­­ńilimizden shyqty. Árıne, eń al­­­dymen olardyń ómirge degen kóz­qarasyn, áleýmettik bel­sen­di­­ligin, bilimge degen qush­tar­ly­ǵyn, otansúıgishtik, basqa da qa­sıetterin baǵaladyq. Endi ja­ńa HR tehnologııalardy engizý qa­­jet. Olardyń jumysqa degen qy­zy­ǵý­shylyǵyn arttyryp, jiger berip, ja­q­sy maman bolaryna senimmen qa­raımyz», dedi Bas prokýror óz sózinde. Sonymen qatar, otyrysta qo­ǵam­nyń eń qıyn ári ózekti má­se­lesiniń biri – qylmystyq ahýal­dy jetildirý jaıy aıtyldy. Bas prokýror qylmystyq prosess memlekettik organdardyń men­mendigine emes, qarapaıym ha­lyqtyń múddesine saı ret­te­lýi kerektigin basa aıtty. Bul má­sele boıynsha Bas pro­ký­ra­týranyń bastamasymen qu­ryl­ǵan «Qosshydaǵy dıskýssııa» atty forým barysynda arnaıy sha­qyrylǵan ǵalymdar men osy sa­la mamandary jumys isteýde. Qu­zyrly organdaǵy qylmystyq pro­­ses­ti jeńildetý jáne jedel­detý úshin elektrondy for­matqa aýysý­dy qamtamasyz etý kózdelýde. «Qylmyskerdi ustadyq. Ki­ná­sin moıyndady. Kýágerler bar. So­ǵan qaramastan ol 15 kún ter­ge­le­di, odan soń 3 kún prokýror isti zertteıdi, sotqa taǵy 20 kún qajet. Osynyń bá­rine 40 kún ýaqyt ketedi eken. Al osy aralyqta jábirlenýshi, kú­dikti, kýáger bári de qanshama esik tozdyrady. Qaıta-qaıta ter­geý, dálizde saǵattap kútý – osy­nyń bári adamdardyń júıkesin ju­qartady», – dedi Bas prokýror J.Asanov. Onyń aıtýynsha, óndiristi elek­­trondy formatqa kóshirý – prokýratýranyń ashyqtyǵyn bildirip, qujattardy berý men alý merzimin qysqartady, posh­ta­lyq shyǵyndar men qaǵaz tasýdy azaıtady. Al atalǵan iske qatysy bar mamandar bolsa, qylmystyq isterdiń elektrondy túrde júr­gi­zilýi men tergelýin on­laın re­jim­de baqylaı alady. Sondaı-aq, J.Asanov pro­ký­ra­týra organdaryndaǵy jumys tá­sil­deriniń ózgerýi, jańa zamanǵa saı menedj­ment júıesin engizý ar­qyly halyqtyń kóńilin kúpti etip júrgen máselelerdi sheshýdi de atap ótti. Osy maqsatqa jetý úshin prokýrorlar qajetsiz ju­mystardan qutylyp jatyr. So­ny­men qatar, basymdyǵy bar jo­balar portfeli qurylady dep jos­parlanýda. Olar qoǵamdaǵy ózekti máselelerdiń oń she­shilýine septigin tıgizbek. «Neden bas tarttyq, neden qu­tylýymyz kerek» dep sóz bas­taǵan Bas prokýrordyń bi­rin­shi orynbasary Iogan Merkel pro­kýratýranyń barlyq salasyn­da artyq qujat aınalymdary men statıstıkalyq esepten qu­tyl­ǵandaryn jetkizdi. Alqa oty­rysynda ár sala boıyn­sha mańyzdy jobalardyń bary­sy týraly Bas prokýrordyń oryn­basarlary Andreı Kravchenko men Marat Ahmetjanov ta sóz sóı­­ledi. Al Bas prokýrordyń oryn­­basary Erlik Kenenbaev bolsa, qylmystyq jaǵdaıdaǵy aza­mattardyń konstıtýsııalyq qu­qyqtarynyń qorǵalýy jaıynda baıandap berdi. Nurlybek DOSYBAI, «Egemen Qazaqstan»