Májilistiń bıýro otyrysy ótti

Májilis Spıkeri Nurlan Nyǵmatýlınniń tóraǵalyǵymen pa­la­ta­nyń bıýro otyrysy ótti. Onda aldaǵy jalpy otyrystyń kún tártibi naqtylandy, dep habarlady Májilistiń baspasóz qyzmeti. Ol boıynsha Májilis depýtattary «Joǵary Sot Keńesi týraly» Zańǵa ózgerister engizýge qatysty zań jobasyn birinshi oqylymda qaraıdy dep kútilýde. Sonymen birge, elimizdiń   keıbir konstıtýsııalyq zań­dary­na ózgerister engizý týraly zań jobasy da osy kúni halyq qa­laý­ly­larynyń talqysyna usy­nyl­maq. Jalpy otyrysta halyqaralyq jeke quqyq jónindegi Gaaga konferensııasynyń jarǵysyn  ratıfıkasııalaý boıynsha zań jobasy jumysqa qabyldanatyn bolady. Bıýro otyrysynda Ońtús­tik Qazaqstan oblysynda par­la­menttik tyńdaýdy daıyndaý jó­nindegi arnaýly ýaqytsha komıs­sııanyń kóshpeli otyrysyn ótkizý jáne  depýtattardyń saılaýshylarmen kezdesýleri úshin óńirlerge saparǵa shyǵýy týraly qaýly qabyldandy.