Kommýnıster de belsene qatysady

Qazaqstan Kommýnıstik halyq partııasy Ortalyq komıteti saıası bıýrosynyń keńeıtilgen otyrysy ótti. Onda Memleket basshysy N.Á.Nazarbaevtyń Qazaqstanda memlekettik basqarý júıesin reformalaý jónindegi Úndeýi talqylandy.  Ortalyq komıtet saıası bıýro­synyń músheleri Elbasynyń usy­nys­taryna qoldaý bildirdi jáne olar mem­lekettik bılik tarmaq­tary ara­syn­da ókilettikterdi qaı­ta bólý qajet degen ortaq pikirge keldi.  Par­tııa jetek­shileri, sondaı-aq, óki­let­tikterdi qaıta bólý memlekettik or­gan­dar ju­my­sy­nyń tıimdiligin baǵyt­taýǵa ar­nal­­ǵanyn atap ótti. Birin­shi kezek­te, bul bılik­tiń zań shy­ǵarý­shy jáne at­qarý­shy organ­dary­nyń jaýap­ker­shiligin kúsheıtedi. Kommýnısterdiń pikirinshe, atalǵan reforma saıası júıeniń turaqtylyǵyn arttyrady, al Parlament pen Úkimettiń róliniń artýy qazirgi zamanǵy mem­lekettik basqarý júıesinde tıim­di mehanızm qalyptastyrýǵa múm­kindik beredi. Otyrysta  partııa ókil­deri búkilhalyqtyq talqylaýǵa usy­ny­latyn reforma jobasynyń erek­shelik­terine toqtala kelip, bul Qazaq­stan Táýelsizdiginiń bastapqy kezinde tańdalǵan demokratııalyq baǵyttyń jalǵasy ekenin atap ótti.  Otyrys qorytyndysynda partııanyń bastaýysh qurylymdarynda Elba­sy­nyń Úndeýin búkilhalyqtyq talqylaý týraly sheshim qabyldandy Álısultan QULANBAI, «Egemen Qazaqstan»