Kanadanyń Kvebek qalasyndaǵy meshitte 29 qańtar kúni keshke qulshylyqqa kelgenderge qarýly adamdar oq atyp, bes kisi qaza tapty, dep habarlaıdy BBC.
Qandy oqıǵaǵa kýá bolǵandardyń biriniń agenttikke aıtýyna qaraǵanda, qarýly úsh adam Kvebek ıslam mádenı ortalyǵynda 40 shaqty adamǵa oq jaýdyrǵan. Polısııa ortalyq aýmaǵyn qorshaýǵa alǵan, jýrnalısterge oqıǵa týraly kommentarıı berýden bas tartady.
Jergilikti bılik basshysy Mohamed Iаngýı shabýyldy "taǵylyq áreket" dep atady.
2016 jyly maýsymda áldekimder ortalyq aldyna shoshqanyń kesilgen basyn tastap ketken edi.
Mohamed Iаngýı shabýyl jasalǵan kezde ózi ortalyqta bolmaǵanyn, biraq ondaǵy adamdar qońyraý shalǵanyn aıtty. Ol shabýyldan qansha adam jaralanǵanyn bilmeıtinin, jaralylardy qaladaǵy birneshe aýrýhanaǵa alyp ketkenin habarlady.
Kvebekte sońǵy jyldary musylmandardyń bet-álpetin jaýyp turatyn kıimi - nıqabqa tyıym salýǵa baılanysty saıası debatqa baılanysty ıslamofobııa kúsheıe bastaǵan. 2013 jyly polısııa Kvebektiń Sageneı aımaǵyndaǵy meshitke áldekimder belgisiz janýardyń qanyn shashyp jaǵyp ketken soń tergeý júrgizgen.
2015 jyly qarashada Parıjde shabýyl bolǵan kúnniń erteńinde Ontarıoda belgisiz adamdar meshitke ot qoıyp ketken.