«Samuryq-Energo» memlekettik holdıngi óziniń eki enshiles kompanııasy aksııalarynyń baqylaý paketin satyp alýshyny anyqtady, dep habarlaıdy abctv.kz kompanııanyń baspasóz qyzmetine silteme jasap.
Eki kezeńdik baıqaýdyń qorytyndysy boıynsha «Shyǵys Qazaqstan aımaqtyq energetıkalyq kompanııasy» (100%-y) jáne «Mańǵystaý taratý elektrjelilik kompanııasy» (78,64%) satyldy.
«Saýda sátti ótti jáne baıqaý ótinimderi jeńimpazdarynyń baǵa usynystary jarııalanǵan bastapqy qunynan asyp tústi», – dep habarlady «Samuryq-Energo» qarjy jáne ekonomıka jónindegi basqarýshy dırektory Qaırat Maqsutov.
Onyń aıtýynsha, taraptar memlekettik organdardyń qajetti korporatıvtik maquldaýlary men kelisimderine qol jetkizilgen soń mámileni aıaqtaý sharalaryna kirisedi.