«Astana» fýtbol klýbynyń jartylaı qorǵaýshysy Roher Kanıas resmı túrde Kıprdiń APOEL komandasyna aýysty. Bul týraly vesti.kz habarlady.
Kolýmbııalyq fýtbolshy búgin medısınalyq tekserýden ótip, jańa komandasymen 2017 jyldyń sońyna deıin kelisimshart jasasty. Transfer quny ázirge belgisiz. APOEL sapynda ol 80-nómirmen oınaıdy. Buǵan deıin Kanıastyń jańa komandaǵa jarty jylǵa jalǵa beriletini habarlanǵan.
Aıta keteıik, Roher Kanıas «Astanada» 2014 jyldan beri oınap keledi. Elordalyq ujymmen ol úsh ret Qazaqstan chempıony atanyp, bir márte el Kýbogyn jeńip alǵan. Sonymen qatar, óz komandasyn Chempıondar lıgasy men Eýropa lıgasynyń toptyq kezeńine joldama alýyna septigin tıgizgen.
«Astanaǵa» deıin ol eki jyl Qaraǵandynyń «Shahterinde» oınaǵan. Munda 2012 jyly chempıon atanyp, Qazaqstan Kýbogy men Sýperkýbogynda jeńiske jetti. Jalpy, 26 jastaǵy jartylaı qorǵaýshy Qazaqstan Premer-lıgasynda 143 kezdesýge qatysyp, 19 goldyń jáne 14 nátıjeli pastyń avtory atanǵan.