Qazaqstandaǵy mamandyqtar men qyzmetter boıynsha 2016 jylǵy jalaqy somalary ataldy, - dep habarlaıdy QR Ulttyq ekonomıka mınıstrliginiń baspasóz qyzmeti. Aıta keteıik, zertteýge qyrkúıek aıynda tolyq jumys istegen qyzmetkerler kiredi.
2016 jyldyń zertteý nátıjeleri boıynsha, ekonomıkalyq qyzmet túrlerinde eńbekaqy tóleýi qyzmetkerlerdiń kásipter toptary arasynda jiktelýi saqtalady. Basshylar sanatyna jatatyn qyzmetkerlerdiń ortasha jalaqysy biliktilik deńgeıi joǵarǵy mamandardyń jalaqysynan 2,0 ese, biliktilik deńgeıi orta mamandardyń jalaqysynan 2,6 ese jáne biliktiligi joq jumysshylar jalaqysynan 4,4 esege kóp.
Eń joǵarǵy jalaqy shıki munaıdy jáne tabıǵı gazdy óndirý salasynda jumyspen qamtylǵan uıymdardyń basshylarynda - 1 118 myń teńge tirkeldi, bul kómir jáne lıgnıt óndirý salasyndaǵy basshylardyń ortasha alatyn jalaqysynan 4,2 ese jáne qurylys salasyndaǵy - 3,0 ese joǵary. Shıki munaıdy jáne tabıǵı gazdy óndirý salasyndaǵy biliktiligi joǵary jáne orta mamandarynda joǵary jalaqy - 571 myń teńge, jáne 482 myń teńge alǵan.
Sondaı-aq, mınıstrliktiń málimetinshe, ekonomıkalyq qyzmet túrleri jáne qyzmetkerlerdiń kásipteri bólinisinde eńbekaqy tóleýi aıtarlyqtaı aıyrmashylyq saqtap otyr eken. "Shıki munaıdy jáne tabıǵı gazdy óndirý kásiporyndarynda joǵary aqy tólenetin tehnıkalyq qadaǵalaý jónindegi ınjenerde, burǵylaý jónindegi ınjenerde (burǵylaý jumystary) jáne uńǵymalardy bekitý jónindegi ınjener boldy (832 - 1 016 myń teńge). 295 myń teńge jalaqyny munaı óndeý ónimderin óndirý salasyndaǵy qyzmetkerler, al 297 myń teńge jalaqyny áýe kóligi salasyndaǵy qyzmetkerler aldy", - delingen habarlamada.
Qurylys salasynda joǵary deńgeıli bilikti mamandar arasynan eń joǵary jalaqy qurylystaǵy menedjerlerde (308 myń teńge), biliktilik deńgeıi bar mamandardan - qaptaýshy-mramorshy (282 myń teńge) aldy.
Aýyl sharýashylyǵy salasynda biliktiligi bar mamandar arasynan eń joǵary jalaqyny sharýashylyq óndirisiniń traktorshy-mashınısteri (166 myń teńge), traktorshy (147 myń teńge), al tómengi jalaqyny - feremerler men qyryqtyqshylar jáne kúzetshiler 27 - 41 myń teńge shamasynda aldy.
Negizgi kásipter jáne qyzmetter toptary boıynsha áıelderdiń jalaqysy erkekterdiń jalaqysyna qaraǵanda tómen boldy. Uıymdardyń basshylary laýazymynda jumys isteıtin erkekterdiń jalaqysy 540 myń teńge, aýdarmashy - 282 myń teńge, ekonomıst - 202 myń tenge, esepshi - 167 myń teńge boldy. Bul áıelderdiń ortasha jalaqysynan 1,1 - 2,2 ese joǵary.
Kásipter (qyzmet) toptamalary jáne qyzmetter boıynsha jalaqynyń saralanýy óńirlik bóliniste de belgilenedi eken.
2016 jylǵy qyrkúıekte Almaty qalasy jáne Atyraý oblysynda uıym basshylarynda eń joǵary jalaqylar qalyptasyp, 920 myń teńge jáne 716 myń teńgeni qurady. Eń az tólenetin qyzmet Ońtústik Qazaqstan, Jambyl, jáne Almaty oblystarynda boldy, munda basshylar 226 myń teńgeden 253 myń teńgege deıin aldy. Respýblıkanyń óńirleri boıynsha uıym basshylary jalaqysynyń eń joǵarǵysy men onyń eń tómengi mániniń arasyndaǵy aıyrmashylyq 4,1 eseni qurady.
Ekonomıstiń joǵary jalaqysy Astana qalasynda jáne Atyraý oblysynda baıqaldy, tıisinshe 251 myń teńge jáne 248 myń. teńge, al tómengi - Jambyl jáne Soltústik Qazaqstan oblystarynda 94 - 104 myń teńge. Dárigerdiń jalaqysyndaǵy kólem deńgeıinde aıyrmashylyq bar Astana q. - 175 myń teńge, al Qaraǵandy oblysynda - 129 myń teńge.
El boıynsha joǵary oqý ornyndaǵy muǵalimniń jalaqysy ortasha 133 myń teńge boldy, al onyń óńirler arasyndaǵy aıyrmashylyǵy 1,7 eseni, arnaýly bilim berý júıesinde oqytýshylarda tıisinshe 109 myń teńge jáne 1,6 ese, tárbıeleýshide - 75 myń teńge jáne 1,5 eseni qurady.