Tájikstan qazaqtary týraly kitap shyqty

О́tken juma kúni Dýshanbe qalasynda Reseı-Tájikstan ýnıversıtetiniń professory Ábdýsattor Nýralıevtiń Tájikstan Respýblıkasyndaǵy Qazaqstan Respýblıkasy elshiliginiń qoldaýymen shyqqan «Kazahı Tadjıkıstana» kitabynyń tusaýkeseri bolyp ótti. Igi sharaǵa Qazaqstannyń Tájikstandaǵy elshisi N.Seıtimov, Reseı-Tájikstan ýnı­versıtetiniń rektory Ý.Mansýrov, Tájikstan Prezıdenti Ákim­shiligi jáne Tájikstan Úkimetiniń, zııaly qaýym jáne buqaralyq aqparat quraldarynyń ókilderi qatysty. Tusaýkeser sátinde Nurlan Seıtimov atalǵan oqıǵanyń eki memleket halyqtary arasyndaǵy mádenı baılanystardy nyǵaıtýda erekshe mańyzǵa ıe ekendigin atap kórsetti. Kitapta Tájikstandaǵy qazaqtardyń qonys aýdarý tarıhy (1730-1840) naq­tylanyp, olar­dyń mádenıeti, etnografııa­sy jáne tájik halqymen rýhanı qun­dylyq­tar salasyndaǵy baılanystary jónin­de jan-jaqty zerttelip, jazylǵan. Eń­bek atajurttan tysqary jaqta ómir súrip jatqan qazaq dıasporasynyń tarıhymen shuǵyldanatyndarǵa, ult tarıhyna qyzy­ǵýshylyq tanytatyndarǵa arnalǵan.