Parlament Senatynyń Tóraǵasy Qasym-Jomart Toqaev palata bıýrosynyń múshelerimen jumys babyndaǵy keńes ótkizdi, dep habarlady Parlament Senatynyń baspasóz qyzmeti.
Senat basshysy Prezıdent, Úkimet jáne Parlament arasyndaǵy ókilettikterdi qaıta bólý maqsatyndaǵy elimizdiń Ata Zańy – Konstıtýsııaǵa engiziletin túzetýlerdi túsindirýge arnalǵan depýtattardyń 2-10 aqpandaǵy aımaqtarǵa saparyna basa nazar aýdardy.
«Prezıdenttiń bastamasy jurtshylyq arasynda keńinen qoldaý tapty. Usynylǵan túzetýlerdi halyqpen birge talqylaý, engiziletin ózgeristerdiń máni men maǵynasyn túsindirý depýtattardyń mindeti», dedi Q.Toqaev.