Úkimet 7 aqpanǵa deıin Memleket basshysy Nursultan Nazarbaevtyń Qazaqstan halqyna arnaǵan Joldaýyn oryndaý úshin jalpyulttyq jospar əzirleıdi. QR Premer-Mınıstri Baqytjan Saǵyntaev búgin Úkimet otyrysynda osyndaı tapsyrma berdi.
«Memleket basshysy Úkimetke Qazaqstannyń ulttyq tehnologııalyq jańǵyrtýynyń 2020 jylǵa deıingi strategııalyq josparyn daıyndaýdy tapsyrdy. Ulttyq ekonomıka mınıstrligi jospardy daıyndaýǵa dereý kirisýi qajet. Tımýr Muratuly, (Ulttyq ekonomıka mınıstri - agenttik) Siz Elbasynyń Qazaqstan halqyna Joldaýyn iske asyrýdyń jalpyulttyq josparyn daıyndap, Úkimetke tez arada Elbasy Jarlyǵynyń jobasyn engizińiz», - dedi Saǵyntaev Ulttyq ekonomıka mınıstrine tapsyrma bere otyryp.
Sondaı-aq, Úkimet basshysy Prezıdenttiń ərbir tapsyrmasynyń naqty merzimderin, oǵan jaýapty laýazymdy tulǵalardy belgilep, Joldaýdyń der kezinde oryndalýyn qatań baqylaýǵa alý kerek degen tapsyrma berdi. Saǵyntaev jalpyulttyq jospardy 7 aqpan kúngi Úkimet otyrysynda talqylap, qabyldaıtynyn məlim etti.