Qazaqstan Respýblıkasy Parlamenti Senatynyń depýtaty Darhan Káletaev Shanhaı yntymaqtastyq uıymy (ShYU) mıssııasynyń quramynda Túrikmenstanda ótken prezıdenttik saılaýdy baıqaýǵa qatysty, dep habarlady Senattyń baspasóz qyzmeti.
Mıssııa músheleri saılaýaldy úgit naýqany men onyń buqaralyq aqparat quraldarynda berilý barysymen tanysty jáne saılaý kúni Ashǵabat pen el aımaqtaryndaǵy saılaý ýchaskelerinde boldy.
ShYU baıqaýshylary saılaý qorytyndysy boıynsha azamattardyń, onyń ishinde jastardyń kóp qatysqanyn atap ótti. Mıssııa Túrikmenstandaǵy prezıdenttik saılaý ulttyq zańnamalar men memlekettiń halyqaralyq saladaǵy qabyldaǵan mindettemelerine saı ótkeni týraly qorytyndy jasady.
Sonymen birge, ShYU ókilderi jekelegen tehnıkalyq olqylyqtar ushyrasqanyn, alaıda, olardyń saılaýshylardyń tańdaý nátıjesine áseri bolmaǵanyn habardar etti.