World Press Photo 2017 fotobaıqaýynyń jeńimpazdary belgili boldy. Bıyl baıqaýǵa 80 myńnan astam sýret túsken. 25 elden kelgen fotolar 8 sanat boıynsha baǵalanyp, onyń 45-i úzdik dep tanyldy. Bul týraly BBC jazady.
Birinshi oryndy Reseı Federasııasynyń Túrkııadaǵy elshisi Andreı Karlov óltirilgen kezinde túsirilgen foto aldy.
2016 jyldyń 19 jeltoqsanynda túrik fotografy Býrhan Ozbılıdjı Associated Press agenttigi qyzmetkerlerimen birge Ankaradaǵy kórmege shaqyrylǵan. Oǵan Reseı elshisi de keledi. Sýrette túrkııalyq burynǵy tártip saqshysy Máýlit Márt Altyntas. Qolyndaǵy tapanshasymen birneshe sekýnd buryn ǵana reseılik elshini atyp tastaǵan kezi.
New York Times basylymynyń fotografy Denıel Berehýlak "Jalpy jańalyqtar" sanatynda birinshi oryn aldy. Onyń sýreti "Bizdi haıýan sekildi óltirýde" dep atalady. Sýrette Fılıppınniń Manıla qalasyndaǵy polısııa bólimshesindegi tutqyndar. Fotograf Loran Van der Stokt Le Monde gazetinde jarııalaǵan fotoreportajynyń ishinde tómendegi sýreti úshin "Jalpy jańalyqtar" sanatynda syılyq aldy. Sýret 2016 jyldyń 2 qarashasynda Mosýlda túsirilgen. New York Times basylymyndaǵy Sergeı Ponomarevtyń tómendegi sýreti "Jalpy jańalyqtar" sanatynda syılyq aldy. Sýrette Mosýldy tastap qashyp bara jatqan Irak otbasy. Valerıı Melnıkov Lýganskaıa stansasyndaǵy jarylystar kezinde janyp jatqan úılerin tastaı qashyp bara jatqan erli-zaıyptylardy sýretke túsirip, sol úshin "Ýkraınanyń qaraly kúnderi" atty uzaqmerzimdi jobada úzdik dep tanyldy. Osy sanat boıynsha ekinshi oryn "Iran sapary" sýreti úshin Hýsseın Fatemıge berildi. Fotograf osy sýret arqyly Irandaǵy jastardyń búgingi beınesi men kúndelikti ómir saltyn ashýǵa tyrysqan. Amerıkalyq fotograf Ember Breken "Búgingi kúnniń problemalary" sanatynda birinshi oryn aldy. Sýrette Kennon-Boll qalasynyń janyndaǵy 1806 tas jolyndaǵy narazylyq sharasy kezinde kózden jas shyǵaratyn gazdan zardap shegýshige kómek kórsetilip jatqan sát. Iаmaıkalyq jelaıaq Hýseın Bolt 2016 jylǵy Rıodaǵy Olımpıada oıyndarynda 100 metrlik qashyqtyqta qarsylastaryn kúlimdep ozyp bara jatqan sáti. Sýretti túsirgen Kaı Olıver Pfaffebah "Sport" sanatynda úshinshi oryn aldy. Frensız Perez "Tabıǵat" sanatynda tómendegi sýreti úshin úzdik dep tanyldy. 2016 jyldyń 8 maýsymynda túsirilgen bul sýrette Tenerıfe araldarynda meken etetin tasbaqa. National Geographic jýrnalynyń fotografy "Múıiztumsyqtar soǵysy" ocherkindegi osy sýreti úshin birinshi oryn aldy. Mozambıktik 19 jáne 28 jasar aǵaıyndy eki brakoner jergilikti abaqtyda otyr. Kýbalyq stýdentterdi Fıdel Kastrony jerleý rásiminen keıin júk kólikterimen úılerine jetkizýde. Sýretti túsirgen Tomas Mýnıt osy sýret úshin "Kúndelikti ómir" sanatynda úzdik shyqty.