2016/2017 jylǵy maýsymdaǵy Chempıondar lıgasynyń pleı-off kezeńi men fınalynyń resmı doby tanystyryldy. Bul týraly ÝEFA týıtter jelisindegi paraqshasynda habarlady.
«Finale Cardiff» degen ataýǵa ıe bolǵan dopty «Adidas» kompanııasy daıyndap shyǵarǵan. Bul doppen komandalar pleı-off kezeńderi men fınalda oınaıtyn bolady. Dızaıny Ýels eliniń ulttyq tanymbelgisi aıdahar sýretimen beınelengen.
Aıta keteıik, osy maýsymdaǵy Chempıondar lıgasynyń fınaly 3 maýsym kúni Kardıff qalasynda ótedi. Erteń pleı-off oıyndary bastalady.