Aqmola oblysynda 8 densaýlyq saqtaý nysany ashyldy, dep habarlady oblys ákimdiginiń baspasóz qyzmeti.
Esepti kezeńde densaýlyq saqtaý salasyn damytýǵa 35,6 mıllıard teńge bólindi. Onyń 33,6 mıllıard teńgesi kepildendirilgen tegin medısınalyq járdemge jumsaldy.
2016 jyly 8 jańa densaýlyq saqtaý nysanynyń qurylysy aıaqtaldy (Aqkól qalasyndaǵy 250 kelýshige arnalǵan emhana, Derjavınsk qalasynda emhanasy bar aýrýhana, Astarhan aýdanynyń Petrovka aýylyndaǵy felsherlik-akýsherlik pýnkti, 5 dárigerlik ambýlatorııa).
«Halyqqa kórsetiletin medısınalyq kómek sapasyn jaqsartý maqsatynda 28 nysanǵa 537,6 mıllıon teńge qarjy bólinip, kúrdeli jáne aǵymdaǵy jóndeý jumystary júrgizildi. 274 medısınalyq qurylǵy, 12 sanıtarlyq avtokólik satyp alyndy», - delingen habarlamada.
Aqmola oblystyq aýrýhanasynda balalar kardıohırýrgııasy boıynsha sheberlik synyby ótip, Almaty jáne Kókshetaý qalasynyń kardıohırýrgterimen 11 balanyń júregine ota jasaldy.
Qýyqtaǵy isikti emdeý úshin Aqmola oblystyq onkologııalyq dıspanserine qymbat qural-jabdyq satyp alyndy.
Jergilikti bıýdjet jáne sharýashylyq sýbektileriniń esebinen 2016 jyly oqýǵa bitirgen 116 túlek medısınalyq JOO-darynda bilim alýda. 265 dáriger jáne 754 orta medısınalyq qyzmetker medısınalyq JOO, kolledj jáne ǵylymı ortalyqtarda qaıta daıarlyqtan ótti.