«Ýnıversıada murasy» jobasy aıasynda Atletter aýylyndaǵy 140 myńnan astam turmystyq zattar, orgtehnıka, arnaıy qondyrǵylar Almaty qalasynyń 500 áleýmettik mekemeleri arasynda bólindi, dep habarlaıdy Almaty ákimdigi.
Sportshylar úshin alynǵan tósekter, tońazytqyshtar, kir jýatyn mashınalar, svetılnıkter, týmbalar, stoldary, útik taqtalary, televızorlar , medısınalyq qondyrǵylar, ofıstik tehnıka - barlyǵy 450-ge jýyq zattar qala aýrýhanalaryna, mektepterge, emhanalarǵa, bala baqshalarǵa, kolledj derge, sport mektepterine, jataqhanalarǵa, ardagerler úıine taratyldy.
«Qala aýrýhanalarynda birqatar daıyndyq jumystary júrgizildi, materıaldyq –tehnıkalyq baza jaqsardy, qyzmetkerler aǵylshyn tili kýrsynan ótti. Oıyndar aıaqtalǵaly beri biz Ýnıversıadanyń oń áserin sezinýdemiz. Bizge qondyrǵy, jıhaz, orgtehnıka berildi. Bulardyń barlyǵy kelgen adamdarǵa sapaly qyzmet kórsetýge kóp múmkindik beredi. Mysaly, ota jasalǵan syrqattardyń tez saýyǵýy úshin jaıly ortopedııalyq matrastar qashanda kerek»,- atap ótti Perınatologııa jáne balalar kardıohırýrgııasy Ortalyǵy dırektorynyń orynbasary Gaýhar Kóshkimbaeva.
«Qala ákimshiligi Almatydaǵy Oıyndardan soń sport obektilerinde qalǵan barlyq jańa jıhazdardy, tehnıkalardy, túrli qondyrǵylardy megapolıstiń áleýmetttik mekemelerine bólip berý týraly sheshim qabyldaǵan edi. Bul bizge úlken qoldaý, ásirese úılerinen jyraqta, jataqhanada turatyn balalar úshin», - dedi Almaty memlekettik Energetıka jáne elektrondy tehnologııa kolledjiniń dırektory Tóleýǵalı Taıtúleev.
Ýnıversıada obektilerin paıdalaný jáne ustaý jónindegi dırektor Sergeı Apenko barlyq tehnıkalardy, jıhazdar men qondyrǵylardy áleýmettik mekemelerge taratý týraly sheshimdi qala basshylyǵynyń Ýnıversıada qarsańynda qabyldaǵanyn aıtty.
«Qala ákimdigi áleýmettik mekemelerden qandaı tehnıka, jıhaz qajettigi jóninde ótinim alyp, arnaıy tizim jasaǵan bolatyn. Iаǵnı, árbir tósek, televızor naqtyly mekenge jetkizilip, durys paıdaǵa asady», -dedi S.Apenko.
Nazarlaryńyzǵa, Almatyda Ýnıversıada tarıhynda alǵash ret 5000 myń oryndy Atletter aýyly salyndy. «Ýnıversıada murasy» aıasynda bul turǵyn kesheni úı kezeginde turǵandar arasynda bólinedi, sonyń arqasynda megapolıstegi úı kezegi 10%-ǵa azaıady.