Aqparat jáne kommýnıkasııalar mınıstri Dáýren Abaev Dýbaıda ótip jatqan Álemdik úkimet sammıti sheńberinde Birikken Arab Ámirlikteriniń Ekonomıka mınıstri Sultan ıbn Saıd ál-Mansýrı myrzamen kezdesý ótkizdi, dep habarlaıdy mınıstrliktiń baspasóz qyzmeti.
Kezdesý barysynda mınıstr sıfrlandyrý salasyndaǵy tájirıbemen bólisip, «Sandyq Qazaqstan» baǵdarlamasy, Smart-city tehnologııasyn damytý sheńberinde Astana habyn qurý týraly aıtyp berdi. Taraptar sandyq transformasııany ilgeriletýge jáne damytýǵa baǵyttalǵan IT jáne joǵary tehnologııalar salasynda ózara yntymaqtastyq júrgizýge kelisti.
Budan bólek, Dáýren Abaev BAÁ baqyt mınıstri Ohýd Ál-Rýmımen kezdesti. Taraptar halyqqa memlekettik qyzmetter kórsetý, usynylatyn rásimderdi jeńildetý prosesin jańǵyrtý, sondaı-aq memlekettik qyzmetter salasyndaǵy menedjment máseleleri boıynsha ekijaqty yntymaqtastyq barysyn jáne ony ilgeriletý joldaryn talqylady.