Malaızııa bıligi Soltústik Koreıa basshysy Kım Chen Ynnyń úlken aǵasynyń qaza bolǵany týraly habardy rastady. Onyń óliminiń sebebi ázirge resmı túrde aıtylǵan joq, alaıda, ońtústikkoreılik jáne malaızııalyq BAQ ókilderiniń aqparynsha, 45 jastaǵy Kım Chon Nam Kýala-Lýmpýr áýejaıynda kisi qolynan qaza tapqan. Bul týraly Bı-bı-sı-diń reseılik qyzmeti habarlady.
Budan buryn Ońtústik Koreıanyń Chosun telearnasy Kım Chon Namdy belgisiz bireýler Kýala Lýmpýr áýejaıynda ýlanǵan ıne tyǵyp óltirdi degen aqparat taratqan bolatyn.
Jergilikti polısııa bólimshesiniń bastyǵy Abdýl Azız Alı áýejaıda Soltústik Koreıa azamaty ózin nashar sezinip, jedel járdem qyzmetimen aýrýhanaǵa jóneltilgenin, biraq, naýqas jolda jan tapsyrǵanyn málimdegen.