Saıası júıeni demokratııalandyrý baǵdary

Astanada Aýǵan soǵysy ardagerleri uıymdarynyń «Qazaqstan ardagerleri» qaýymdastyǵy Memleket basshysy Nursultan Nazarbaevtyń bılik tarmaqtary arasynda ókilettikterdi qaıta bólý jónindegi Úndeýin talqylaý jáne elimizde qolǵa alynǵaly otyrǵan konstıtýsııalyq reformalarǵa qatysty usynystar ázirleý boıynsha dóńgelek ústel ótkizdi. Atalǵan qaýymdastyq tóraǵasy, Parlament Májilisiniń depýtaty Baqytbek Smaǵul basqosý bary­synda birinshi kezekte Memleket basshysynyń Úndeýi, soǵan qatysty usynystar búkil elimiz boıyn­sha qyzý talqylanyp jatqanyna toqtaldy. – Bul – memlekettiliktiń damýy­­nyń jańa kezeńin, ıaǵnı halyq­­tyń memlekettik bıliktiń birden-bir bastaýy retindegi óziniń kons­tıtý­sııa­lyq mártebe­sin júzege asy­ra bastaǵandyǵyn aıqyndaıdy. Bul, sondaı-aq, biz­diń azamattyq qoǵam­nyń kemel­digin de bildiredi, – dedi Aýǵan soǵysy ardagerleri uıym­dary­nyń «Qazaqstan ardagerleri» qaýym­dastyǵynyń tóraǵasy. Odan ári B.Smaǵul kons­­tıtý­sııalyq reforma el táýel­sizdi­gi­niń myzǵymastyǵyn bekitkeli otyr­ǵanyn, óıtkeni, táýelsizdik – ulty­myzdyń tarıhyndaǵy bas­ty jetistigi, halqymyzdyń basty qazynasy ekenin aıta kelip, elimiz­diń jahandyq bitimgerlik jáne qaýipsizdik salasyndaǵy mıssııasyn Ata Zańymyzda rastap, ony naqty normalarda bekitý qajettigin, Konstıtýsııamyzda Qazaqstannyń jappaı qyryp-joıý qarýlaryn qoldanýdan bas tartatyny naqty kórsetilýi kerektigin usyndy. Qaýymdastyq tóraǵasynyń orynbasary Sáken Mahambetov óz kezeginde júrgizilip jatqan refor­manyń máni – bılik ókilet­tikterin baıypty qaıta bólý, tutas­taı alǵanda, saıası júıeni demo­kratııalandyrý bolyp taby­latynyn, sondaı-aq, par­lamentarızm negizderin naqty nyǵaıtýdyń biregeı múmkindigi ekenin atap ótti. Sońynda dóńgelek ústelge qaty­sý­shylar arnaıy qarar qabyldady. Qararda: «Aýǵan soǵysy ardagerleri uıymdarynyń «Qazaqstan ardager­leri» qaýymdastyǵy uıym­dastyr­ǵan dóńgelek ústelge qatysýshylar, Memleket basshysynyń 2017 jyl­ǵy 25 qańtardaǵy Úndeýinde jarııa­laǵan konstıtýsııalyq reforma­ny ótkizýdi tujyrymdamalyq túr­de qoldaıdy jáne ony parlamen­tarızm­niń, memlekettik bas­qarý­dyń jáne azamattyq qoǵam ıns­tıtýttarynyń negizderin naqty nyǵaıtýdyń biregeı múmkindigi dep sanaıdy. Prezıdent, Parlament jáne Úkimet arasynda ókilettikterdi qaıta bólý boıynsha usynystar­dy qazaqstandyq memlekettilikti jáne Qazaqstannyń saıası júıe­sin demokratııalandyrýdy damy­tý­dyń jańa kezeńi retinde qaras­­ty­rady», – dep jazylǵan. Son­­daı-aq, olar konstıtýsııalyq refor­maǵa qatysty ózderi ázirle­gen bir­­qatar usynystaryn Prezıdent Ákim­­shiligine, Parlamentke jáne Úkimetke joldaıtyn boldy. Joldybaı BAZAR, «Egemen Qazaqstan»