Halyqaralyq syılyqpen marapattaldy

Osy kúnderi Dýbaıda ótip jatqan The World Government Summit atty Halyqaralyq úkimet sammıtinde Aqparat jáne kommýnıkasııalar mınıstri Dáýren Abaev basqarǵan Qazaqstan delegasııasy Egov – mgov mobıldi qosymshasyn ázirlep, endirgeni úshin First World Govtechineers Race-2017 syılyǵymen marapattaldy. Dáýren Abaevqa syılyqty Dýbaı ámiri, BAÁ premer-mınıstri jáne vıse-prezıdenti sheıh Mohammed ıbn Rashıd ál-Maktým tabys etti. Egov.kz mobıldi qosym­shasy 2014 jyldyń aıaǵynda iske qosylyp, osyndaı qysqa mer­zim ishinde ózin kórsete bildi ári tıimdiligin dáleldep úlgerdi dep atap ótti sammıt uıymdastyrýshylary. Aqparat jáne kommýnıkasııalar mınıstri Dáýren Abaev: «Bul marapat osy salanyń odan ári damýy úshin yntalandyrý bolyp tabylady», – dep atap ótti. Egov.kz mobıldi qosym­shasy úsh tuǵyrnamada (An­droid, iOS, Windows Phone) is­ke asyrylǵan. Búginde onda 86 qyzmet qoljetimdi. Onyń maq­saty halyqqa mobıldi baı­lanys arqyly qyzmet kórse­tý úshin mobıldi úkimet tuǵyr­na­masyn qurý bolyp tabylady. Qosymshany smartfondary bar qoldanýshylar paıdalana alady. Qosymshany Google Play jáne App store, Microsoft Store onlaın-dúkenderinde júktep alýǵa bolady. Mgov-tyń tirkelgen qoldanýshylar sany 2016 jyldyń aıaǵyndaǵy málimet boıynsha 1 636 937 qoldanýshyny quraǵan. Sol sııaqty Aqparat jáne kommýnıkasııalar mınıstri Dáýren Abaev Dýbaıda The World Government Summit-tiń ótkizilýi sheńberinde Birikken Arab Ámirlikteriniń Ekonomıka mınıstri Sýltan ıbn Saıd ál-Mansýrı myrzamen kezdesý ótkizdi. Kezdesý barysynda Dáý­ren Abaev sıfrlandyrý sala­syn­daǵy tájirıbemen, «Sıfrlyq Qazaqstan» baǵdarlamasymen bólisip, Smart-city damytý sheńberinde Astana habyn qurý týraly aıtyp berdi. Taraptar sıfrlyq transformasııany ilgeriletýge jáne damytýǵa baǵyttalǵan IT jáne joǵary tehnologııalar salasynda ózara yntymaqtastyq týraly kelisti. Budan basqa, Dáýren Abaev BAÁ Baqyt mınıstri Ohýd ál-Rýmımen kez­desti. Ta­rap­tar halyqqa memle­ket­tik qyzmetter kórsetý, usy­ny­latyn rásimderdi jeńil­detý prosesin jańǵyrtý sala­syn­daǵy, sondaı-aq, memle­kettik qyzmetter salasyndaǵy menedjment máseleleri boıynsha ekijaqty yntymaqtastyq já­ne ilgeriletý máselelerin tal­qylady. «Egemen-aqparat»