Assambleıa alqaly jıyn ótkizdi

Keshe elordada Qazaqstan halqy Assambleıasynyń Dostyq úıleri men óńirlerdegi «Qoǵamdyq kelisim» keńesteriniń dırektorlaryna arnalǵan respýblıkalyq keńes ótti. Keńes barysynda El­ba­sy­nyń Qazaqstan halqyna arnaǵan Jol­daýy keńinen talqylandy, son­daı-aq EKSPO-2017 ha­lyq­­­­aralyq kórmesine atsa­ly­sýǵa daıyndyq jumys­tary qarastyryldy. Buǵan qosa, jer-jerdegi mekeme­ler­diń bas­shylary óz óńirler­in­de atqa­rylyp jatqan jumys­tar­dyń jaı-kúıi týraly baıandady. Jıynda sóz alǵan Qazaq­stan halqy Assambleıasy hat­shy­­ly­ǵynyń sektor meńge­rý­shisi Azat Joldybaev Elba­sy Joldaýyn jáne bılik tar­maqtary arasynda ókilettik­terdi qaıta bólý má­seleleri jónin­degi Úndeýin ha­lyqqa túsin­dirýde Dostyq úı­leri men «Qoǵamdyq kelisim» keńes­terine úlken mindet júk­teletinine toqtaldy. – Biz osy aıdan bastap naýryzdyń 5-ne deıin Alma­ty­­daǵy Dostyq úıiniń bazasyn­da respýblıkalyq 18 shara ót­ki­zýdi josparlap otyr­myz. Onyń 14-in tikeleı etnomádenı bir­lestikter júrgi­zedi. Bir shara ǵylymı-sarap­shy­lyq toptardyń qaty­sýymen, ádistemelik baǵytta ótedi. Jalpy, jumys formaty dóńgelek ústel, semınar túrinde bolýǵa tıis. Dál osyndaı jumystar elimizdiń barlyq óńirinde júrgizilýi kerek, – dedi Azat Joldybaev. Onyń aıtýynsha, sha­ra­lardyń mindetti túrde res­pýb­lıkalyq aýqymda bolýy shart emes. Olardyń qaı-qaısysy da mańyz­dy. Sebebi, Qazaqstan halqy Assambleıasynyń resýrstaryn tıimdi paıdalanyp, Joldaýdyń, konstıtýsııalyq reformanyń mánin árbir azamatqa jetkizý kerek, eń ma­ńyzdysy osy. О́ńirlerdegi Dostyq úıleri jer­gilikti halyqtyń aıaǵy úzil­meı­tin, tirshilik qyz-qyz qaınap jat­qan mekeme bolýy kerek. «Qo­ǵamdyq kelisim» respýb­lıka­lyq memlekettik mekemesi tóraǵa­synyń orynbasary Talǵat Jaqııa­nov osyn­daı oı aıtty. – Jaqynda Ońtústik Qazaqstan oblysynda elimiz­de­gi eń úlken Dostyq úıi qu­ryl­ǵaly jatyr. Osyndaı Dos­tyq úıleri barlyq oblystar­­da bar. О́kinishke qaraı, óńir­ler­di aralap júrgenimizde keı­bir Dostyq úıleriniń qańy­rap bos turǵanyn kóremiz. Negizi, ol mekemelerde túrli shara­­lar úzdiksiz ótip jatýy tıis. Dos­tyq úıinde kirip-shy­ǵyp jat­qan adamdar, túrli uıymdarǵa kelgen jastar, má­denı sharalar­dy tamashalaýǵa kelgen jandar kóp bolýy kerek. Biz búgin elordaǵa jı­nalǵan qaýymmen birlesip, osyǵan qatysty usynystardy qarastyrǵanymyz jón, – dedi Talǵat Jaqııanov. Keńeske qatysýshylar Mem­­leket basshysynyń Qa­zaq­­stan halqyna arnaǵan Jol­daýy­nyń, usynylǵan kons­tıtý­sııa­lyq reformanyń qan­sha­lyqty zor mańyzǵa ıe eke­nin halyq­qa túsindirý joldaryn uıym­dastyrý týraly ózara oı bólisti. Budan bólek, EKSPO-2017 halyq­aralyq kórmesine atsa­lysýǵa ázirlik barysy da sóz boldy. Sonymen qatar, jıynda Dostyq úılerin damytýdyń 2017-2020 jyldarǵa arnalǵan tujy­rymdamasyn iske asyrý boıynsha is-sharalar jospary ortaǵa salyndy. Arnur ASQAR, «Egemen Qazaqstan» Sýretti túsirgen Erlan OMAROV, «Egemen Qazaqstan»