Qazaqstandyq short-trek sheberi Abzal Ájiǵalıev Mınsk qalasynda ótken Álem kýbogy synynda 500 metrlik qashyqtyqta kúmis júldege ıe boldy. Bizdiń konkıshimiz jarys qorytyndysynda 34 433 upaı jınady. Birinshi oryndy 38 001 upaımen qytaılyq Daszın alsa, máre syzyǵyn úshinshi bolyp kesken vengr Shandor Lıý Shaolınniń enshisinde 33 774 upaı boldy.
Al 1000 metrlik synda jerlesimiz Nurbergen Jumaǵazıev 27 486 upaımen qola júldege qol jetkizdi. Bul qashyqtyqta Shaoang Lıý (28 669) úzdik shyqsa, fransýz Tıbo Fokonne 27 517 upaımen ekinshi bolyp keldi.
Aıta keteıik, munyń aldynda 500 metr qashyqtyqta bizdiń short-trekshilerimiz Denıs Nıkısha men Abzal Ájiǵalıev, tıisinshe altyn jáne kúmis júlde ıegerleri atanǵan bolatyn.