Tennısten Qazaqstannyń qyzdar qurama komandasy Federasııa kýbogynyń ekinshi álemdik tobynda pleı-off kezeńine shyqty. Joldama úshin Japonııa komandasymen bolǵan oıynda bizdiń tennısshi qyzdarymyz úsh match boıynsha 2:1 esebimen jeńiske jetti.
Birinshi oıynda Galına Voskoboeva japon tennısshisi Naomı Osakadan 6:1, 2:6, 3:6 esebimen jeńilip qaldy. Jaǵdaıdy Iýlııa Pýtınseva túzedi. Ol qarsylasy Mısakı Doıdy 7:6, 6:2 esebimen tize búktirdi. Al sheshýshi oıynda Iаroslava Shvedova men Galına Voskoboeva juby qarsylastarynan 6:3, 7:6 esebimen basym tústi.
Eske salar bolsaq, qazaqstandyq tennısshi qyzdar osymen ekinshi ret Federasııa kýboginiń pleı-off kezeńine joldama alyp otyr.
Qaırat ÁBILDINOV, «Egemen Qazaqstan»