Ulttyq qaýipsizdik komıtetine jemqorlyqqa qarsy kúres qyzmetine qatysty isterdi tergeýge quqyq berý usynyldy, - dep habarlaıdy Tengrinews.kz.
Bul týraly Májiliste quqyq qorǵaý júıesin jetildirý máseleleri boıynsha zań jobasyn tanystyrý kezinde bas prokýrodyń orynbasary Iogan Merkel málimdedi.
"Ulttyq qaýipsizdik komıtetine arnaıy organdar, sybaılas jemqorlyqqa qarsy is-qımyl qyzmeti men ákerılerge qatysty jemqorlyqqa baılanysty qylmystyq isterdi júrgizýge quqyq berý usynyldy. Bul tekseris olardyń qyzmettik erekshiligine baılanysty", - dedi Merkel.
Sonymen birge, quqyq qorǵaý júıesin jetildirý máseleleri boıynsha zań jobasy sheńberinde tergeýshi prokýror sheshimine shaǵymdana alady. Prokýrordyń sotaldy qylmystyq isti óz óndirisine qabyldaýdyń erejeleri men shegi zańmen bekitiledi. Al Qazaqstan Respýblıkasynyń bas prokýrory Qylmystyq-prosesýaldy kodekspen bekitilgen tergeý birizdiligine qaramastan isti prokýror tergeýine berýge quqyly.
Sonymen birge, zań jobasy sheńberinde tergeýshi sýdıanyń qamaýǵa alý sheshimin shyǵarý boıynsha ókilettigi artady.