QR Aqparat jáne kommýnıkasııalar mınıstri Dáýren Abaev Parlament Májilisiniń plenarly otyrysynda Qazaqstan aýyldaryn joǵary jyldamdyqty ıtnternetpen qamtamasyz etý jobasy týraly málimdedi, dep jazady tengrinews.kz.
"Úkimet bul máseleni baqylaýda ustap otyr. Biz "Qazaqtelekom", "Transtelekom" kompanııalarymen birlesip aýyldardy joǵary jyldamdyqty ıtnternetpen qamtamasyz etý jobasyn daıyndap jatyrmyz. Birinshi kezeńde memlekettik-jeke menshik áriptestik aıasynda aldaǵy eki jylda 1 290 aýyldy ǵalamtormen qamtamasyz etý josparlanǵan. Nátıjesinde 2 mln-nan astam azamat sapaly ınternetke qol jetkizedi. Al osy jyldyń sońyna deıin radıojelilik stansııalar qurylysyn josparlap otyrmyz. Respýblıkanyń aýdan ortalyqtaryn 4G formatyndaǵy ınternetpen qamtamasyz etpekpiz", - dedi Abaev.
Mınıstrdiń aıtýynsha, 2017-2019 jyldary 1 291 aýylǵa ǵalamtor tartylsa, qalǵan 4 myń aýyl jobanyń ekinshi kezeńi, ıaǵnı 2020-2025 jyldar aralyǵynda qamtamasyz etilmek.
"Ekinshi kezeńde biz ınternetti symmen emes, spýtnıktik ádispen tartýymyz múmkin. Bul úlken áleýmettik joba, ony memleket te túsinip otyr", - dedi Abaev.