«Shıkizat sektoryna táýeldilikti azaıtý maqsatynda biz básekege qabiletti, eksportqa baǵyttalǵan jańa óndirister qurý boıynsha jumysty jalǵastyrýdamyz. Bul tapsyrmany Memleket basshysy óziniń «Qazaqstannyń úshinshi jańǵyrýy: jahandyq básekege qabilettilik» atty bıylǵy Joldaýynda bizdiń aldymyzǵa qoıyp otyr, – dedi oblys ákimi óz sózinde.
Máselen, salynyp jatqan shyny zaýytyna qazirdiń ózinde qondyrǵylardyń 90 paıyzdan astamy jetkizildi. Bıyl qazan aıynda ony iske qosýdy josparlap otyrmyz. Ol óz kezeginde 300-den astam adamdy jumyspen qamtamasyz etedi.
«Bala-Saýysqandyq» vanadıı ken ornynda tájirıbelik-óndiristik zertteýler aıaqtaldy. 2016 jyly kásiporyn metavanadat ammonıı men vanadıı totyǵyn Taıvan men Reseıge eksporttaı bastady. Metavanadat ammonııdiń synama toptamasy AQSh-qa da jiberildi. Endi basqa da elder naryǵyna shyǵarý joldary qarastyrylýda.
«Munan bólek, 2016 jyldyń qarashasynda saýda-ekonomıkalyq, ǵylymı-tehnıkalyq jáne mádenı baılanys jónindegi úkimetaralyq komıssııada brıtanııalyq kompanııa qara taqtatasty avtoklavty óńdeý boıynsha osy atalǵan ınvestısııalyq jobany júzege asyrýǵa yntymaqtastyq týraly kelisimge qol qoıdy. Jobanyń II jáne III kezeńin 125 mln dollar kóleminde qarjylandyrý týraly sheshim qabyldandy», – dedi Qyrymbek Kósherbaev.