Aımaqta jergilikti shıkizatty óńdeıtin, ónimderi álemdik naryqta suranysqa ıe bolatyn birqatar kásiporyndar salynýda. Bul jóninde Qyzylorda oblysynyń ákimi Qyrymbek Kósherbaev 15 aqpandaǵy halyqpen esep berý kezdesýinde habarlady.
2016 jyly eki birdeı sement zaýyttarynyń qurylysy bastaldy. Jańaqorǵan aýdanynda qurylys sementi óndirisi jáne Shıeli aýdanynda tamponajdy sement óndirisi. Bul eki joba boıynsha ınvestısııanyń kólemi 74 mlrd teńgeni quraıdy. Olardy júzege asyrý shamamen 400 jańa jumys ornyn qurýǵa múmkindik beredi. Zaýyttardy 2018 jyldyń basynda iske qosý josparlanǵan.
«Aral qalasynda «Araltuz» aksıonerlik qoǵamymen qýattylyǵy 300 tonnalyq kalsıılendirilgen soda zaýytynyń qurylys jobasyn júzege asyrýǵa «Qazaqstan Damý banki» arqyly qarjylandyrý máseleleri sheshildi. Bul elimizdiń barlyq qajettilikteriniń 75 paıyz óteıtin respýblıkadaǵy birden bir zamanaýı kalsıılendirilgen soda shyǵaratyn zaýyt bolmaq. Aıtqandaı, ındýstrııalandyrý Kartasy aıasynda óndiriske ıspan sehynyń iske qosylýy nátıjesinde «Araltuz» búgingi tańda óz óniminiń 60 paıyzyn shet elge eksporttýda. Sońǵy eki jyldyń ózinde zaýyt Reseıdiń as tuzy naryǵynyń 12 paıyzyn ıelendi. Al, 2016 jyly kásiporyn as jáne tehnıkalyq tuz shyǵaratyn ekinshi sehty iske qosty. Nátıjesinde, qurǵaqtylyǵy nóldik as tuzyn óndirý kólemi jeti ese ulǵaıdy. Shyǵarylatyn ónimderdiń túri kóbeıdi jáne qosymsha 200-den astam jumys orny qurylýda», – dep málimdedi oblys ákimi.
Qyzylorda qalasynyń ındýstrııalandyrý aımaǵynda úshoksıdtik molıbden óndirisi boıynsha («Trımo» JShS) kásiporyn jumysyn bastaıdy. Kásiporynnyń ónimderi atom energetıkasy men avıasııalyq-ǵaryshtyq tehnıkada, mıkro jáne optoelektronıkada paıdalanylady. Osy oraıda, ónimderdi Japonııaǵa eksporttaý josparlanýda.