Memleket basshysynyń tapsyrmasyna sáıkes, aýylsharýashylyǵy ónimderin eksportqa shyǵarý – Qyzylorda oblysynyń ótken jáne aldyńǵy jyldardaǵy basym baǵyttarynyń biri. Bul týraly oblys ákimi Qyrymbek Kósherbaev 15 aqpandaǵy turǵyndarǵa esepti kezdesýinde baıandady.
Mysaly О́tken jyly Shıeli aýdanynda qýattylyǵy táýligine 400 lıtr shubat óndiretin seh iske qosyldy. Qyzylorda qalasynda jartylaı fabrıkat et ónimderiniń fabrıkasy, al, Syrdarııa aýdanynda jylyna 250 tonna ónim shyǵaratyn et kombınaty bar 10 myń bas qozy ósiretin keshen salyndy.
- Búgingi tańda tutynatyn qus etiniń barlyq kólemin oblystan tys jerden ákeletinimizdi eskerip, ımportty aýystyrý máselesindegi jumystardy belsendi júrgize bastadyq. Qus eti óndirisindegi jobalardy júzege asyrýshylardy yntalandyra bastadyq. Respýblıkalyq ınvestısııalyq ortalyq qarjysy esebinen Syrdarııa aýdanynda úırek pen qaz ósiretin qus fermasynyń jobasyn nesıelendirdik (qazirdiń ózinde osy fermada 10 myń bastan astam qus ósirilýde),- dedi oblys ákimi esepti kezdesý barysynda.
Oblystyń agrarlyq sektory sheteldik ınvestorlar úshin de qolaıly bola túsýde. Sondaı birlesken jobalardyń biri – 2018 jyly Jańaqorǵan aýdanynda tomat pastasyn shyǵaratyn zaýytty iske qosý josparlanýda. Sondaı-aq, Jańaqorǵan aýdanynda jylyna 100 myń tonna keshendi mıneraldyq tyńaıtqyshtar óndiretin zaýyt qurylysyn bastaý josparlanyp otyr. Al, Aral aýdanynda túıe sútin óńdeý zaýyty salynbaq. Qazir bul jobalar sheteldik ınvestorlarmen birge ázirlený ústinde.
- Baqsha daqyldary ónerkásibi óndirisin qalpyna keltirýdemiz. Kóp jyldardan keıin, alǵash ret 2016 jyly bizdiń qaýyndarymyz Reseı men Qyrǵyzstanǵa eksporttala bastady. Bıylǵy jyly baqsha daqyldarynyń kólemin tipti ulǵaıtýdy josparlap otyrmyz,- dedi oblys ákimi.