«Biryńǵaı jınaqtaýshy zeınetaqy qory» AQ-da birqatar ózgerister bolady, dep habarlaıdy QazAqparat QR Ulttyq banki tóraǵasy Danııar Aqyshevtyń sózine silteme jasaı otyryp.
«BJZQ-daǵy kemshilikterdi joıamyz, aqshany paıdalaný boıynsha ishki baqylaý júıesin kúsheıtemiz. Alaıda, eń mańyzdysy bar. Qazirgi kezde adamdar arasynda jınaqtaý júıesine degen kúmánmen qaraý máselesi tur», - dedi Ulttyq bank tóraǵasy.
«Investısııa salý modelin tańdaýda básekelestik prınsıpterin qalpyna keltirgendeı, zeınetaqy aktıvterin basqarý ınstıtýttarynda solaı etý kerek. Qazir salymshylar aldynda tańdaý joq. Zeınetaqy jınaqtary BJZQ-ǵa aýdarylady. Zeınetaqy qarjylaryn basqaratyn uıymdy tańdaý jáne ınvestısııalyq strategııa tańdaý múmkindik qarastyrylmaǵan. Memleket salymshylar úshin de barlyǵyn ózi rettep, táýekelge barady. Sondyqtan, biz, zeınetaqy aktıvterin basqarý fýnksııasyn jeke nemese sheteldik kompanııalarǵa berý týraly Elbasy tapsyrmasyn júzege asyrý boıynsha belsendi jumys júrgizip jatyrmyz. Ulttyq bank zeınetaqy aktıvteri naryǵynda básekelestik bolýyn, salymshylarǵa tańdaý usyný máselesin qoldaǵan. Biz osy baǵytta jumys jasap jatyrmyz», -dedi D.Aqyshev.