Qazaqstandyq tennısshi Iýlııa Pýtınseva Dohada ótip jatqan WTA «Qatar Total Open» týrnırin jeńispen bastady.
Jarystyń alǵashqy aınalymynda otandasymyz shveısarııalyq Tımeıa Bachınskımen kezdesti. Birinshi sette qazaqstandyq tennısshi 6:1 esebimen basym tústi. 24 jastaǵy Bachınskı jaraqatyna baılanysty kezdesýdi ary qaraı jalǵastyra almady.
Aıta keteıik, shveısarııalyq tennısshi qyzdar arasynda álemdik reıtıngte 15-orynda keledi. Al otandasymyz Pýtınseva – 27 orynda.
«Qatar Total Open» týrnıriniń kelesi týrynda qazaqstandyq tennısshi Laýra Zıgmýndty jeńgen Monıka Pýıgpen kezdesedi.