2016 jyldyń 4 toqsanynyń qortyndysy boıynsha Astana qalasy elimizdegi jumyssyzdyq deńgeıi boıynsha 4,6 paızdy qurap, eń tómengi kórsetkishti saqtap tur. Sonymen qatar, elordalyq Statıstıka departamentiniń derekteri boıynsha Astana qalasyndaǵy jastar arasyndaǵy jumyssyzdyq deńgeıi burynǵy qalypta saqtaldy – 4,6 %. Áıelder jumyssyzdyǵynyń deńgeıi 4,5%-dy qurady. Bul týraly qala ákimdiginiń resmı saıty habarlady.
15 aqpandaǵy jaǵdaı boıynsha, jyl basynan beri Halyqty jumyspen qamtý ortalyńyna bos jumys oryndaryn izdep 1 976 adam kelgen. Olardyń 60 paıyzy jumyssyzdyqtan saqtaý sharalarymen qamtylǵan.
Atap aıtqanda, 629 adam jumysqa ornalastyrylǵan, onyń ishinde 71-i jastar praktıkasyna, taǵy 29 adam áleýmettik jumys oryndaryna jiberilgen. Budan bólek, 549 adam qoǵamdyq jumystarmen qamtyldy.