Joldaý basymdyqtary talqylandy

Elordadaǵy L.N.Gýmılev atyndaǵy Eýrazııa ulttyq ýnıversıteti áleýmettik ǵylymdar fakýltetiniń bazasynda «Qaharman urpaq» qoǵamdyq qorynyń uıymdastyrýymen ardagerler uıymdarynyń ókilderi kezdesip, Elbasy Nursultan Nazarbaevtyń Qazaqstan halqyna arnaǵan Joldaýynyń negizgi basymdyqtaryn talqylady. Kezdesý barysynda Memleket basshysynyń Joldaýynda álem­degi sońǵy jahandyq syn-qa­ter­ler eskerile otyryp, elimiz­diń ulttyq damýyndaǵy ekono­mı­ka­lyq jáne saıası jaǵdaıdaǵy bar­lyq aspektiler qamtylǵany atap ótildi. Sonymen qatar, jıynda mem­le­kettik baǵ­dar­lamalarda qaýip­siz­dikti qamta­masyz etý, ekono­mıkalyq saıasat­ty odan ári jetildirý, áleýmettik áriptestik pen adamı kapı­taldyń sapasyn jaq­sartý, eńbek naryqtaryn jań­ǵyrtý, ár­bir sektordyń jaý­ap­ker­shiligin art­tyrý jónin­degi damý baǵyt­tary men strategııa­sy anyq­ta­latyny, osy rette Pre­zıdent Jol­daýy buryn qabyl­danyp, búgin­de júzege asyrylyp jat­qan mańyzdy stra­tegııalyq qujat­tardyń, «Nurly jol» memle­kettik baǵdarlamasy men «100 naqty qadam» Ult jos­pary aıasynda qolǵa alynǵan sharalardyń sátti jalǵasýyna tyń serpin beretini aıtyldy. Budan bólek, shara barysynda sóz sóılegender bilim berý máseleleri, ardagerlerdi áleýmettik qoldaý, jastar jáne jastarǵa patrıottyq tárbıe berý isi týraly da áńgime qozǵady. Kezdesýge «Ardagerler uıymy» RQB ortalyq keńesiniń, ózge de úkimettik emes uıymdar men qoǵamdyq qorlardyń ókil­deri, L.N.Gýmılev atyndaǵy EUÝ-diń professor-oqytýshy­lary men stýdentteri qatysty. Is-shara sońynda ardagerler men stýdentter Aýǵanstannan Keńes Odaǵy áskerleriniń shyǵa­ryl­ǵanyna 28 jyl tolýyna oraı taqyryptyq otyrys ótkizip, Otanǵa degen súıispenshilik, otbasylyq qundylyq, bilim men tárbıe jóninde pikir almasty. Joldybaı BAZAR, «Egemen Qazaqstan» ASTANA