Astana qalasynyń ákimi Áset Isekeshev halyqqa esep berý jıynynda 2016 jyldaǵy negizgi ekonomıkalyq kórsetkishterge toqtala kele Elbasynyń bastamasymen qolǵa alynǵan «Nurly jol» ınfraquryylymdy damytý baǵdarlamasyn iske asyrý barysy, ShOB qoldaý, kúrdeli ekonomıkalyq jaǵdaılarda tehnologııalyq ındýstrıalandyrý júrgizý týraly aıtyp berdi.
2016 jyly jalpy óńirlik ónim boljamdarǵa sáıkes 5 trln. teńgeni quraıdy jáne 2015 jyldyń sáıkes merzimimen salystyrǵanda 3,7% ulǵaıdy;
Astana óńirler bólinisinde negizgi kapıtalǵa tartylǵan ınvestısııalar (837,7 mlrd. teńge, QR - 11%), shaǵyn jáne orta kásipkerlik kásiporyndary sanynyń artý qarqyny (NKI – 101,1%, QR boıynsha – 95,4%) boıynsha kósh basynda, sondaı-aq, elordada eń tómen jumyssyzdyq deńgeıi (4,6%, po RK – 4,9%) tirkeldi.
«10 zamanaýı jańa joǵary tehnologııalyq óndiris ashyldy, sonyń ishinde úsheýi – sheteldik kapıtaldyń qatysýymen. О́nerkásiptik óndiris kólemi 426 mlrd. teńgeni, ınvestısııalar 838 mlrd. teńgeni qurady, sonyń ishinde 60% – jeke qarjy. Qazirgi kezde 140 myńǵa jýyq ShOB sýbektisi bar, ótken jylmen qaraǵanda ósim baıqalady, jalpy óńirlik ónimniń 50% jýyǵy qalyptasady, jáne jańa jumys oryndarynyń shamamen 70% ashylady», – dep atap ótti qala basshysy.
Munymen qosa, elordada iske asyrylyp jatqan «Bıznestiń jol karatsy – 2020», «Astana bıznes», «Astana-Jastar» jastar arasynda kásipkerlikti qoldaý, «Start Up» jáne t.b. baǵdarlamalardyń basymdyqtary belgilendi. 2016 jyly jalpy quny 32 mlrd. teńgeni quraıtyn 206 jobaǵa qoldaý kórsetildi, bul 2015 jylǵy kórsetkishke qaraǵanda 2 esege artyq.