Úndistannyń ǵaryshtyq zertteý uıymy (ISRO) 15 aqpan kúni PSLV-C37 zymyranymen orbıtaǵa birden 104 jer serigin ushyryp, álemdik rekord jasady, dep habarlaıdy Times of India.
Zymyran Astana ýaqytymen keshe saǵat tańǵy 10 shamasynda ushyryldy. 17 mınýttan keıin zymyrandaǵy jer serikteri orbıtaǵa shyǵaryla bastady. Oǵan 17 mınýt ýaqyt ketti. Jer serikteriniń mindeti - ǵalamsharymyzdy sýretke túsirý. Úndistannyń premer-mınıstri Narendra Modı bul jaǵdaıdy Úndistannyń ǵaryshtyq zertteý uıymynyń (ISRO) erligi dep baǵalady. "Bul maqtanýǵa turarlyq dúnıe. Úndistan óziniń ǵalymdaryn qoldaıdy", dep jazdy ol óziniń Týıtterdegi paraqshasynda. Bir aıta keterligi, jiberilgen 104 jer seriginiń 103-i nano jer serigi jáne olardyń salmaǵy 1-10 kılogramdy qamtıdy. Al onyń ishindegi 88 jer serigi amerıkalyq kompanııaǵa tıesili.
•
16 Aqpan, 2017
Úndistan orbıtaǵa bir ýaqytta 104 jer serigin ushyrdy
675 ret
kórsetildi