Búgin Almaty oblysynyń ákimi Amandyq Batalov óńir aktıvine Qazaqstan Respýblıkasy Prezıdenti Ákimshiliginiń kelisimimen oblys ákiminiń orynbasary bolyp jańadan taǵaıyndalǵan Baıjanov Aıdarbek Estebekulyn tanystyrdy.
Aıdarbek Estebekuly 1964 jyly dúnıege kelgen.
1991 jyly Almaty halyqsharýashylyǵy ınstıtýtyn ekonomıst mamandyǵy boıynsha, al 2005 jyly Qazaqstan-Reseı ýnıversıtetin zańger mamandyǵy boıynsha bitirgen.
Eńbek jolyn 1981 jyly Jambyl oblysy Moıynqum aýdanynyń sport mektebinde jattyqtyrýshy muǵalim bolyp bastaǵan. Ár jyldary «Aqjaıyq», «Jambyl bylǵary aıaqkıim» birlestikteriniń dırektory, Jambyl oblysy ákimi apparatynda is basqarýshynyń orynbasary, bas ınspektor, QR Aýyl sharýashylyǵy mınıstrliginde qazynalyq kásiporyn dırektory, Almaty oblysy ákimi apparatynyń qarjy-sharýashylyq bóliminiń meńgerýshisi, Qazaqstan Respýblıkasy Prezıdenti Is basqarmasynyń bas ınspektory, «Memlekettik rezıdensııalar dıreksııasy» dırektorynyń orynbasary, dırektory, «Astana ónim» aksıonerlik qoǵamynyń dırektory, Astana qalasynda «Qazaqtelekom» aksıonerlik qoǵamynyń dırektory, «QazTransGaz Aımaq» aksıonerlik qoǵamynyń basqarýshy dırektory bolyp qyzmet atqarǵan.
2016 jyldyń aqpanynan - «QazTransGaz Aımaq» AQ bas dırektorynyń orynbasary.
Esterińizge sala keteıin, buǵan deıin oblys ákiminiń orynbasary bolǵan Ábdiraıymov Ǵalymjan Raıyluly Jambyl oblysyna oblys ákiminiń orynbasary bolyp taǵaıyndalǵan edi.