Ortalyq kommýnıkasııalar qyzmetinde Memleket basshysy Nursultan Nazarbaevtyń «Qazaqstannyń úshinshi jańǵyrýy: jahandyq básekege qabelettilik» atty Joldaýyna arnalǵan baspasóz máslıhaty ótti.
Oǵan «Qazaqstan Respýblıkasynyń jergilikti soǵys jáne aýǵan soǵysy ardagerleriniń odaǵy» qoǵamdyq úıymynyń tóraǵasy Sháripbaı О́tegenov qatysty.
Brıfıngte ol Elbasy Joldaýyndaǵy negizigi basymdyqtarynyń biri – ınstıtýsıonaldy qaıta qurý, qaýipsizdik jáne sybaılas jemqorlyqpen kúres týraly aıtty.
–Biz, Aýǵan soǵysy ardagerleri ekstremızm jáne terrorızm ıdeıalaryn taratýǵa qarsy memlekettik sharalar men qoǵamdyq bastamalardy tolyq qoldaımyz. Osy ıdeologııanyń qoǵam sanasyna sińýine jol bermeý kerek deı otyryp, radıkaldyq aǵymdar, ultaralyq, násildik jáne dinı arazdyqty nasıhattaýǵa qarsy buqaralyq aqparat quraldary men búkilálemdik ǵalamtordy qoldanýǵa qatań shekteý, aqparattyq keńistikti baqylaýdy kúsheıtýdi qoldaımyz!, - dedi Sháripbaı О́tegenov.
Onyń aıtýynsha, Elbasynyń jyl saıynǵy Joldaýyn qoldaı otyryp, ınternasıonalıst –jaýyngerler barlyq jerde terrorızm men dinı ekstremızmmen kúresýdi ári qaraı jalǵastyra berý kerek. Osyǵan baılanysty ol memlekettik jáne qoǵamdyq ınstıtýttardyń tıimdi ózara jumysy úshin ekstremızm men terrorızm ıdeologııasyna qarsy is-qımyl jónindegi Biryńǵaı ulttyq strategııa ázirleýdi usyndy.
–Lańkestikpen kúresý úshin Aýǵan soǵysy men basqa da áskerı shıelenisterdiń ardagerleriniń qoǵamdyq birlestikteriniń rólin kúsheıtý qajet. Bizdiń elge olardyń bedeli men tájirıbesin paıdalana otyryp, radıkalızm, ekstremızm jáne terrorızm ıdeologııalaryn nasıhattalýyna jol bermeý kerek, – dedi ol.
Dastan KENJALIN, «Egemen Qazaqstan»