Aqtóbe jáne Ońtústik Qazaqstan oblystaryndaǵy joldar jabyldy, dep habarlaıdy Ishki ister mınıstrliginiń tótenshe jaǵdaılar komıteti.
Aqtóbe oblysynda aýa raıynyń nasharlaýyna baılanysty (qar, burqasyn, joldyń kórinbeýi) respýblıkalyq mańyzy bar «Aqtóbe-Atyraý-Astrahan» (246-330 shaqyrymdar), «Qandyaǵash-Embi-Shalqar-Yrǵyz» (92- 258 shaqyrymdar) joly barlyq avtokólik túrleri úshin jabyldy.
Ońtústik Qazaqstan oblysynda da aýa raıynyń qolaısyzdyǵynan (burqasyn, kóktaıǵaq, jańbyr, joldyń kórinbeýi) oblystyq mańyzy bar «Qoshqar ata-Jaryqbas-Birlik» jolynyń 77-144 shaqyrymy aralyǵynda barlyq kólik túrleri úshin qozǵalys toqtatylǵan.
Sondaı-aq «QazAvtojoldyń» məlimetinshe, Almaty oblysynda Úsharal-Dostyq baǵytyndaǵy joldyń 83-184 shaqyrymy aralyǵynda kólik qozǵalysy toqtatylǵan. Aımaqta aýa raıy tosyn minez kórsetýde. Qatty borannyń áserinen kólikpen qatynaý múmkin emes.