Basty baǵdar – sapaly deńgeıge kóterilý

«Nur Otan» partııasynyń Ortalyq apparatynda partııanyń «Qazaqstan-2021: Birlik. Turaqtylyq. Jasampazdyq» Saılaýaldy baǵdarlamasynyń «Sırflyq tehnologııalar- dy damytý jáne memlekettik qyzmetterdiń tıimdiligin arttyrý» taqyrybyna arnalǵan «Nur Otan» partııasy janyndaǵy «Memlekettik qyzmetterdi kórsetý» baǵyty boıynsha komıssııanyń keńeıtilgen otyrysy ótti. Otyrystyń maqsaty – «Sıfr­lyq tehnologııalardy damytý jáne memlekettik qyzmetterdiń tıimdiligin arttyrý týraly» Qazaqstan Respýblıkasy Zańynyń atqarylýy jónindegi ortalyq jáne jergilikti memlekettik organdar basshylarynyń aqparatyn tyńdaý. Jıynǵa «Nur Otan» partııasy Tóraǵasynyń birinshi orynbasary Muhtar Qul-Muhammed, Parlament Májilisindegi «Nur Otan» partııasy fraksııasynyń jetekshisi Gúlmıra Isimbaeva, osy másele boıynsha partııalyq kýrator, Parlament Májilisiniń depýtaty Maıra Aısına, Aqparat jáne kommýnıkasııalar mınıstri Dáýren Abaev, sondaı-aq elimizdegi jetekshi mınıstrlikter men ulttyq kompanııalardyń basshylary men ókil­deri, barlyq obly­staǵy «Nur Otan» partııasy oblys­tyq fı­lıaldary tóraǵalarynyń birin­shi oryn­basarlary men osy sala­ny úı­les­tiretin barlyq oblys ákim­­deriniń orynbasarlary qatysty. Otyrysty ashqan Muhtar Qul-Muhammed bıyl eki birdeı tarıhı oqıǵa bolǵanyn, onyń biri El­basy­nyń Úndeýi bolsa, ekinshisi Jol­daýy ekenin atap ótti. «Biz Astanada otyryp, baqylaǵan joqpyz. О́ńir­lerge túgel baryp shyqtyq. Depý­tat­tardyń bári ózderine bekitil­gen óńirlerde boldy. Men de bir­qatar oblysty araladym. Olardyń ókilderi búgingi otyrysqa qatysyp otyr. Elbasynyń osy eki úlken tarıhı oqıǵaǵa negizdelgen Jol­daýy men búgingi bizdiń kóterip otyrǵan máselemiz bir-birimen óte baılanysty. Taqyryptyń ózi de sol Joldaýdan týyndaıdy. Ol «Sıfrlyq tehnologııalardy damytý jáne memlekettik qyzmet kórsetýdiń tıimdiligin arttyrý» dep atalady. Bul ekeýi bir-birimen sabaqtas dúnıeler. Ásirese, Elbasy óziniń Úndeýinde elimizdi saıası jaǵynan jańǵyrtý máselesin alǵa qoıatyn bolsa, Joldaýda ekonomıkalyq ja­ǵynan jańǵyrtý, jańa sıfrlyq tehno­logııaǵa kóshý jáne ony mem­le­kettik qyzmet kórsetýdiń bar­lyq túrine engizý máselesin alǵa qoıǵan bolatyn. Minekı, bul máse­le tek bir ǵana mınıstrlikke qatys­ty emes, bul barlyq mınıstr­likke, barlyq memlekettik organ­ǵa, barlyq oblystaǵy tıisti mem­le­ket­tik organdardyń oblystyq bólim­shelerine qatysty», dedi partııa Tóraǵasynyń birinshi orynbasary. Jıyn barysynda Muhtar Abraruly Prezıdenttiń Úndeýde tehnologııalyq jańǵyrtýdy jedeldete júrgizý, sondaı-aq jańa sapalyq deńgeıdegi sıfrlyq ındýstrııany damytý týraly mindet qoıǵanyn jetkizdi. «Elbasy óz Joldaýynda tehnologııalyq jań­ǵyr­týdy jedeldetý men sıfr­lyq tehnologııanyń tutas ındýs­trııa­syn jasaýdy tapsyrdy. Úki­metke «Sıfrly Qazaq­stan» baǵ­darlamasyn jasaýdy mindet­tedi. Bizdiń endigi maqsa­tymyz – osy joǵary tehnologııa­ny búkil eli­mizdiń jáne árbir qazaq­­standyq­tyń ıgiligine aınaldyrý bolýy tıis», dedi partııa Tóraǵasynyń birinshi orynbasary. Al Dáýren Abaev búginde Memleket basshysynyń tapsyrmasy sheńberinde elimizdiń tehnologııalyq damýyna aıryqsha nazar aýdarylyp otyrǵanyn jetkizdi. Sonymen qatar, mınıstr aqparattandyrý arqyly memlekettik basqarý júıesi ońtaılandyrylǵanyn, qyz­met­terdiń negizgi bóligi avtomattan­dyrylǵanyn, Qazaqstannyń barlyq iri qalalary jyldamdyǵy joǵary ınternetpen qamtylǵanyn, otandyq aqparattyq keńistik sıfrlyq tehnologııalar negizinde jańǵyrtýdan ótkenin aıtty. Memlekettik qyzmet kórsetý máselesine qatysty sóz alǵan Maıra Aısına: «100 naqty qadam» Ult jospary sheńberinde esep beretin memleketti qalyptastyrýda 100-qadamdy eń halyqtyq qadam dep aıtýǵa bolady. Sebebi, mem­lekettik qyzmet kórsetýler azamat­tar tirshiliginiń barlyq salasyn qamtıdy. Al qyzmetterdi «bir tereze» qaǵıdaty boıynsha alýdy Úkimettiń azamattarǵa arnal­ǵan memlekettik korporasııasy júzege asyrady. Búginde biz Pre­zıdenttiń memlekettik qyzmettiń biryńǵaı provaıderin qurý týraly tapsyrmasy oryndaldy dep naqty aıta alamyz. Taǵy bir mańyzdy aspekt – memleket tarapynan kórsetilip jatqan qyzmetter tý­raly aqparat taratý. Biz kúni keshe ǵana óńirlerde halyqpen kezdestik. Azamattar memlekettik qyzmetter kórsetý júıesindegi jańalyqtar týraly habardar emes ekenin baıqadyq. Sondyqtan, el turǵyndary memlekettik qyzmet kórsetýler árbir qazaqstandyqtyń ómirin jaqsartý úshin jasalyp otyrǵan ıgilik ekenin bilýi kerek», dedi. Otyrys aıasynda «Sıfrly Qa­zaqstan» jobasyn júzege asy­rýǵa tek Aqparat jáne kommýnıka­sııa­lar mınıstrligi ǵana emes, Úkimet, Úkimettegi barlyq mınıstr­lik pen organdar da ja­ýap bere­tini aıtyldy. Sondyqtan, memle­kettik organdardyń, ulttyq kom­pa­nııalardyń jáne ákimdikterdiń ókilderi parlamentarıılerdiń suraqtaryna jaýap berdi. «Nur Otan» partııasy Tóraǵa­synyń birinshi orynbasary kez­de­sýdi qorytyndylaı kelip, tutastaı alǵanda, Qazaqstanda memlekettik qyzmet kórsetýdiń tıimdiligi men sapasyn arttyrý boıynsha kóp jumys atqarylǵanyn aıtty. Láıla EDILQYZY, «Egemen Qazaqstan»