Shyǵys Qazaqstanda bıyl «Barshaǵa tegin kásibı-tehnıkalyq bilim berý» jobasy aıasynda 1730 adam kásibı daıyndyqtan ótedi. Sútti satyp alý jáne óńdeý boıynsha 12 qanatqaqty kooperatıv qurylady. Medısınalyq kadrlardy qaıta daıarlaýǵa qatysty úsh jyldyq baǵdarlama ázirlenip, óńirdiń 150 dárigeri shet eldiń úzdik klınıkalarynda sheberlikterin shyńdaıdy.
О́skemendegi D.Serikbaev atyndaǵy Shyǵys Qazaqstan memlekettik tehnıkalyq ýnıversıtetinde aımaqtaǵy iri kásiporyndarmen birlese otyryp quny 8 mlrd teńgeni quraıtyn 10 ǵylymı-zertteý jobalary júzege asyrylady. Semeı qalasynda 2017 jyldan bastap «Turǵyn úı jınaq bankiniń» salymshylary úshin jyl saıyn 1200 páter salynady. Elbasy Nursultan Nazarbaevtyń «Qazaqstannyń Úshinshi jańǵyrýy: jahandyq básekege qabilettilik» atty Joldaýy jan-jaqty talqylanǵan aktıv jınalysynda oblys ákimi Danıal Ahmetov mańyzdy strategııalyq qujatty júzege asyrý aıasynda óńirde osyndaı birqatar aýqymdy jobalardyń qolǵa alynatynyn jetkizdi.
Jyldyń basty qujatyn talqylaǵan jıynda aımaqtaǵy iri kásiporyndar men joǵary oqý oryndarynyń ókilderi oılaryn ortaǵa saldy. «Kazsınk» JShS metallýrgııa boıynsha atqarýshy dırektory Turarbek Ázekenov myńdaǵan adam eńbek etetin alpaýyt kásiporynnyń ujymy Elbasy Joldaýyn zor yqylaspen qabyldaǵanyn, zaýyt aldynda birneshe úlken mindetterdiń turǵanyn, aldaǵy ýaqytta taýar sapasy men eńbek ónimdiligin arttyrýdy kózdep otyrǵandaryn tilge tıek etti.
Oblystaǵy jastardyń atynan sóz alǵan О́skemendegi D.Serikbaev atyndaǵy Shyǵys Qazaqstan memlekettik tehnıkalyq ýnıversıtetiniń tárbıe jumysy jónindegi basqarmasynyń basshysy Rınat Temirjan Joldaýdyń óz qatarlastaryn erekshe jigerlendirgenin atap ótti. «Bizdiń ýnıversıtet Qazaqstannyń ekonomıkasyn damytý maqsatynda júzege asyrylyp jatqan údemeli ındýstrııalandyrý baǵdarlamasyna kadrlar daıyndaýǵa iriktelgen respýblıkadaǵy on joǵary oqý ornynyń qataryna kiredi. Munda jańashyl oılaıtyn, aldyńǵy qatarly mamandar daıarlanýda. Eń bastysy, mektepter men joǵary oqý oryndary arasynda tyǵyz baılanys ornaǵan. Bolashaqta mundaı oqý oryndarynda bilim alýǵa dúnıejúziniń oqýshylary qyzyǵýshylyq tanytady degen jospar bar», – dedi ol.
«Orıka Qazaqstan» aksıonerlik qoǵamynyń bas dırektory Iýlııa Iýgaı buǵan deıingi eki jańǵyrýdyń el ómirinde erekshe mańyzǵa ıe bolǵanyn, Memleket basshysynyń usynǵan Úshinshi jańǵyrýy Qazaqstannyń damýyna tyń serpilis beretin ǵalamdyq deńgeıdegi qundy qujat ekendigin aıtty.
Azamat QASYM,
«Egemen Qazaqstan»
Shyǵys Qazaqstan oblysy