Oblystyq Tótenshe jaǵdaılar jónindegi departamentiniń málimetinshe, qazir aımaqta tasqynǵa qarsy daıyndyq jumystary bastalyp ta ketti. О́ıtkeni aldyn almasa, sý tasqynynan aýyldyqtardyń ábden zárezap bolatyny ras.
Aldyńǵy jyly tasqyn Baıanaýyldaǵy Ashysý ózeniniń kópirin, aýdannyń 15-ten astam aýyl joldaryn buzyp ótkeni esimizde. Kópirsiz qalǵan Sátbaev atyndaǵy jáne Teńdik, Uzynbulaq aýyldarynyń turǵyndary joldyń beınetin kórdi. Kópirdi kúrdeli jóndeýden ótkizip nemese jańadan salý úshin qyrýar qarjy qajet kórinedi. О́tken jyly Ertis ózeniniń arnasynan asýynan oblys ortalyǵyna jaqyn Aqsý qalasynyń eski bóligindegi birneshe úı aýlasymen qosa sý astynda qalǵan-dy. Qazir osy jerlerde sý tasqynyna qarsy bógetke uzyndyǵy 600 metr topyraq úıindisi turǵyzyldy.
Qazirgi kúni 2923 tonna janar-jaǵarmaı, 8 000 tonna ınertti materıal men 60 000-ǵa jýyq qum toly qap, 140-qa jýyq tehnıka men 400-den asa maman daıyn. Sý deńgeıi kóterilgen jaǵdaıda úıin-
diler turǵyzylady. Departament ókilderi osy ýaqytqa deıin tasqynnyń aldyn alý boıynsha óńirdegi 200-ge jýyq úıdi aralap, qala, aýyl turǵyndaryna túsindirý jumystary júrgizilipti. Jalpy, tasqynǵa qarsy jumys sharalary qardyń tolyq erýi kezinde, ekinshisi óńirdegi sý qoımalaryndaǵy sý mólsheriniń artýy kezinde qolǵa alynady. Mysaly, Qaraǵandy oblysyndaǵy Qaratoqa bógeti aýmaǵynan aǵatyn qar sýy Baıanaýyldyń Teńdik, al, Aqmola oblysyndaǵy Sileti sý qoımasynan keletin sý Aqtoǵaı aýdanynyń Sholaqsor aýyldaryna qaýip tóndiredi. Sholaqsor aýyly tasqyn bastalsa-aq, qaýip-
siz jerge kóshiriledi. Qoımadan aǵatyn sýdy ótkizý maqsatynda qubyrlar, qosymsha quraldar da ornatyldy. Qum toltyrylǵan qaptar da ázirlenedi, úıilgen tas, topyraq tasıdy. Jyldaǵydaı tasqynǵa daıyn-
dyq sharalary qolǵa alynýda. Qashyr aýdanynda da tótenshe jaǵdaılar bóliminiń mamandary aýyl turǵyndaryna tasqyn kezindegi qaýipsizdik erejelerin úıretýde.
Farıda BYQAI, «Egemen Qazaqstan»
Pavlodar oblysy