Qoǵam qaýipsizdigi kún tártibinen túspeıdi

Qazaqstan Úkimeti úıinde Din isteri jáne azamattyq qoǵam mınıstrligi men Qazaqstan musylmandary dinı basqarmasy arasynda Yntymaqtastyq týraly kelisimge qol qoıyldy. Din isteri jáne azamattyq qoǵam mınıstri Nurlan Ermekbaev shara barysynda birinshi kezekte Qazaqstan musylmandary dinı bas­qarmasy el musylmandarynyń ba­syn qosyp otyrǵan jáne qo­ǵam­nyń aýyzbirshiligi men tu­raq­­tylyǵyn nyǵaıtý isinde ma­ńyz­­dy jumystar atqaryp kele jat­qan dinı birlestik ekenin aıta kelip, «Bizder din salasyndaǵy memlekettik saıasattyń tıimdiligin arttyrýǵa baǵyttalǵan is-shara­lar­da Dinı basqarmamen jan-jaq­ty ózara is-qımyl jasaıtyn bolamyz. Kelisimge qol qoıýymyzdyń bas­ty sebebi de osy», – dedi mınıstr. Sondaı-aq, N.Ermekbaev Mem­leket basshysy Nursultan Nazarbaevtyń Joldaýynda aı­tyl­ǵan qoǵam qaýipsizdigin qam­tamasyz etý úshin dinı ekstremızmdi nasıhattaýdyń aldyn alýda jáne óskeleń urpaqty rýhanı-adamgershilik rýhynda tárbıeleý isinde mınıstrliktiń QMDB-men kóptegen is-shara­lar­dy birlesip atqarýdy kózdep otyr­ǵanyn jetkizdi. QMDB tóraǵasy, Bas múftı Erjan qajy Malǵajyuly óz kez­eginde bul Yntymaqtastyq tý­raly kelisim Múftııat pen mem­­leket arasyndaǵy ynta­maq­­tas­­tyqty nyǵaıtýǵa jol asha­ty­nyn aıtty. «Búgin qol qoıyl­ǵan Yntymaqtastyq týraly ke­li­sim eki tarapqa turǵyndar ara­­synda dástúrli rýhanı qun­dylyqtardy nasıhattaýǵa jáne dinı ekstremızm men terro­rızm­niń aldyn alýǵa baǵyt­tal­­ǵan aq­parattyq-túsindirý ju­mys­tar­yn qarqyndy júrgizýge múm­kin­­dik beredi. Saıyp kelgende, din salasyndaǵy ýákiletti or­gan­­men birlesip iske asyrylatyn jumystar jastarymyzdyń boı­yn­da zaıyrly memlekettiń qa­­ǵıdattaryna sáıkes keletin rý­­hanı qundylyqtardy qalyp­t­as­tyrýǵa negiz bolady», dedi ol. Sońynda Din isteri jáne aza­mat­tyq qoǵam mınıstri men Qazaqstan musylmandary dinı bas­qarmasynyń tóraǵasy atalǵan ke­lisimdi qol qoıyp, bekitti. Joldybaı BAZAR, «Egemen Qazaqstan»