«Tranzıt» aıasynda 150 kılo esirtki tárkilendi

Aqpan aıynyń alǵashqy jartysynda asa iri kólemde esirtki saqtaý faktilerin anyqtaý jáne onyń jolyn kesýge baǵyttalǵan «Tranzıt» jedel-profılaktıkalyq is-sharasy uıymdastyryldy. Esirtkige qarsy kúres de­par­tamentiniń uıytqy bo-lýymen ótken operasııaǵa po­lı­sııanyń 2 512 qyzmetkeri qatystyrylyp, shara aıasynda 142 esirtki qylmysy anyq­tal­ǵan jáne 150 kılogramm esirt­ki zattary tárkilendi. Alǵa qoıǵan maqsat-min­detter tolyǵymen oryndaldy deýge negiz bar. Sebebi, 227 jedel-izdestirý tobynyń maman­dary profılaktıkalyq shara aıasynda 2 273 avtokólik pen 610 reıstik avtobýs, 178 jolaý­shylar poıyzy, 24 áýe reısin muqııat baqylaýdan ótkizgen. Nátıjesinde, 142 esirt­­ki qyl­mysy anyq­tal­ǵan. Onyń ishinde esirtki ót­ki­zýdiń – 94, asa iri kólem­de saq­­taýdyń – 40 jáne kon­tra­ban­dalyq árekettiń 8 faktisi tirkelip, zańsyz aınalymnan 150 kılogramm esirtki qural­dary alynǵan. Nurlybek DOSYBAI, «Egemen Qazaqstan»