Qazaqstandyqtar naýryzda jarty aıdaı ýaqyt demalady. Senbi men jeksenbilerdi sanamaǵanda qazaqstandyqtar taǵy tórt kún demalysqa shyǵady.
Demalys kúnderdiń biri sársenbige túsedi - 8 naýryz. Taǵy úsh kún - Naýryz merekesine. Túrki tildes halyqtary úshin eń basty meıram bolyp sanalatyn naýryzda 21, 22 ján 23 kúnderi demalys bolyp bekitilgen.
Osyǵan deıin Úkimet basshysy Baqytjan Saǵyntaev 2017 jyly demalys kúnderin aýystyrý týraly QR Úkimetiniń qaýlysyna qol qoıǵan edi. Qaýlyǵa sáıkes, demalys kúnderi 2017 jylǵy 18 naýryz senbiden - 2017 jylǵy 20 naýryz dúısenbige jáne 2017 jylǵy 1 shilde senbiden - 2017 jylǵy 7 shilde jumaǵa aýystyryldy. Osylaısha, naýryz aıynda qazaqstandyqtar 12 kún demalysta bolady.
Sınoptıkterdiń aldyn ala boljamy boıynsha, Astanada Halyqaralyq áıelder kúninde aýa raıy bultty bolyp, qar jaýady. Aýa temperatýrasy - 4 gradýs. Almatyda 8 naýryzda aýa temperatýrasy 15 gradýsty kórsetip, ashyq bolady.