Eýropa qaıta qurý jáne damý banki arqyly «Jaıyqjylýqýat» AQ Oral jylý-qýat ortalyǵynyń jylytý júıesin jańǵyrtýǵa jáne bolashaqta oblys ortalyǵyndaǵy avtobýs parkin jańartýǵa 7 mlrd. teńge tartý kózdelýde, dep habarlaıdy QazAqparat.
Oblys ákimi Altaı Kólginovtiń aıtýynsha, atalmysh bank jeńildikpen nesıe bermekshi.
Sonymen qatar, ınvestısııa tartý maqsatynda basqa da jumystar atqarylady. Mysaly, «Lammin» fın kompanııasymen qurylys ındýstrııasy, shveısarııalyq «AVV» kompanııasymen elektr jabdyqtaryn óndirý, ırandyq «Falizan» kompanııasymen munaıhımııa salasynda qurylǵan birlesken kásiporyndar joǵary tehnologııaǵa negizdelgen óndiristi damytýǵa múmkindik beredi.
Elbasynyń bıznes ortany keńeıtý jónindegi tapsyrmasyna sáıkes óńirde naqty jumystar atqarylýda. Oblysta shaǵyn bızneste 100 myńdaı adam nemese ekonomıkalyq belsendi halyqtyń úshten bir bóligi eńbek etýde. Memlekettik bıýdjetke barlyq túsimniń besten bir bóligi (53 mlrd. teńge) shaǵyn jáne orta bıznesten túsedi. Onyń úlesi 11 mlrd. teńgege kóbeıdi, bul qarqyn aldaǵy ýaqytta da tómendemeıdi.
«Bıyl qarjylandyrýdyń barlyq kózderi esebinen jeke bıznesti 4,5 mlrd. teńge kóleminde qoldaý kózdelýde. Qazirdiń ózinde júzege asyrylýǵa daıyn 1 mlrd. astam teńgeni quraıtyn 115 joba bar», – dedi óńir basshysy.