Jambyl oblysyndaǵy Kóksaı shatqalynda ótip jatqan áskerılerdiń jaýyngerlik daıyndyq sabaǵy barysynda qar kóshkini bolyp, 7 jaýynger mert boldy. Qorǵanys mınıstrligi qaıǵyly oqıǵaǵa qatysty resmı málimdeme jasady.
«Jambyl oblysyndaǵy Kóksaı shatqalynda ótip jatqan 91678 áskerı bólimi áskerı qyzmetshileriniń jaýyngerlik daıyndyǵy boıynsha josparly sabaǵy barysynda kútpegen jerden qar kóshkini oryn aldy», – delingen resmı málimdemede.
Qazirgi tańda Jambyl oblysy Kóksaı shatqalyndaǵy izdestirý-qutqarý jumystary aıaqtaldy, 16 adam qutqaryldy. Izdestirý is-sharalaryna Qarýly kúshterdiń áskerı qyzmetshileri, Jambyl oblystyq TJD jedel jasaǵy, Shekara qyzmetiniń áskerı qyzmetshileri arnaıy tehnıkamen jumyldyryldy.
Qorǵanys mınıstrliginiń basshylyǵy qaza tapqandardyń otbasy men týystaryna qaıǵyryp kóńil aıtady.
Premer-mınıstrdiń qaýlysyna sáıkes, Qorǵanys mınıstrliginiń basshylyǵymen komıssııa quryldy.