Qaraǵandy oblysyndaǵy bes kásiporyn bankrottyq jaǵdaıdan shyǵarylyp, qaıta jumys jasaı bastady, dep habarlaıdy QazAqparat
Atqarýshy bılik jańa zaýyttardyń ashylýyna óz septigin tıgizip qana qoımaı, ekonomıkalyq daǵdarys kezinde joǵary óndiris qarqynyn saqtap qala almaǵan kásiporyndardy qalpyna keltirýde.
Qaraǵandy oblysy ákimi Nurmuhambet Ábdibekov halyqqa esep berý barysynda habarlaǵandaı, bankrottan shyǵarylǵan bes kásiporyn turǵyndardy júzdegen jumys orynmen qamtamasyz etip, bıýdjetke salyq tóleıtin bolady.
Árbir kásiporynnyń jaǵdaıyn jiti baqylaýyna alǵan ákim men ónerkásip jáne ındýstrıaldy-ınnovasııalyq damý basqarmasynyń arqasynda Qaraǵandydaǵy kondıter ónimderin shyǵaratyn zaýyt, Shahtınskidegi kirpish zaýyty men joǵary jáne birinshi sortty un shyǵaratyn zaýyt qaıta iske qosyldy.
Sonymen qatar, qyzmet kórsetý salasyndaǵy qoıma oryndaryn jalǵa beretin kásiporyn men metallýrgııalyq kremnıı óndiretin elimizdegi jalǵyz zaýyt qalpyna keltirildi.