Pavlodar oblysynda balalar avtobýsyn apattan aman alyp qalǵan polıseı esin jıdy, dep habarlaıdy tengrinews.kz
Janqııarlyq erlikpen jol apatynyń aldyn alǵan polıseılerdiń biri aýyr hálde aýrýhanaǵa jetkizilip, jansaqtaý bólimine jatqyzylǵan bolatyn.
34 jastaǵy polısııa serjanty Murat Nurseıitovtiń áriptesteri onyń komadan shyqqanyn aıtty.
«Murat esin jıdy, jaǵdaıy jaqsardy. Biraq ol áli de jansaqtaý bóliminde jatyrı, – dedi polısııa qyzmetkerleri.
Pavlodar oblystyq IID baspasóz qyzmetindegiler de zardap shekken er adamnyń esin jıǵanyn rastady. Biraq onyń jaǵdaıy áli de aýyr dep baǵalanyp otyr.
Eske sala keteıik, Baıanaýyl aýdandyq ishki ister bólimi polısııasynyń qyzmetkerleri qyzmettik Lada Granta kóligimen balalar otyrǵan avtobýsty shyǵaryp salyp bara jatqan. Balalar Pavlodardaǵy shańǵy jarysyna baǵyt alǵan. Pavlodar-Astana avtojolynda Qalqaman aýylynyń mańynda 50 jastaǵy KamAZ júrgizýshisi qarsy baǵyttaǵy jolǵa shyǵyp ketken. Júk kóligi men balalar otyrǵan avtobýs soǵyspaýy úshin polısııa starshınasy Murat Nurseıitov oılanbastan qyzmettik kólikti jolǵa kóldeneń buryp úlgergen. Nátıjesinde KamAZ polısııanyń qyzmettik kóligin soqqan.