Búgin Japonııanyń Sapporo qalasynda VIII qysqy Azııa oıyndary aıasynda QR Olımpıada komıtetiniń tóraǵasy Tımýr Qulybaev pen Iran Olımpıada komıtetiniń prezıdenti Kýmars Hashemı eki jaqtyly sportty damytýǵa arnalǵan kelisim hatqa qol qoıdy, dep habarlaıdy QazAqparat
Taraptar aldaǵy ýaqytta Iran men Qazaqstan sportshylary arasynda birlesken oqý-jattyǵýlaryn jıi ótkizý qajet dep sheshti.
Eske sala keteıik, búgin jergilikti ýaqytpen 16:00-de Azıada oıyndarynyń ashylý saltanaty bastalady. VIII qysqy Azııa oıyndary Japonııanyń Sapporo qalasynda 19-26 aqpan aralyǵynda ótedi. Jarysta 31 eldiń sportshylary 11 sport túrinen 64 medal jıyntyǵyn sarapqa salady. Sportshylar sherýinde elimizdiń jalaýyn shańǵy jarysynan bes dúrkin Qazaqstan chempıony Erdos Ahmadıev ustap shyǵady. Otanymyzdyń namysyn qorǵaýǵa 153 sportshy bardy.
Aıta keteıik, keshe alǵashqy irikteý syndary bastalǵan bolatyn. Onda hokkeıden Qazaqstannyń áıelder quramasy jergilikti sportshylarmen baq synasyp, ókinishke qaraı, 0:5 esebimen utylyp qaldy. Al erteń, ıaǵnı 20 aqpan kúni hokkeıshi arýlarymyz qytaı quramasymen oınaıdy.