Soltústik Qazaqstan oblysynyń Ishki ister departamentinde sý tasqynyna qarsy is-sharalar boıynsha jınalys ótti, dep habarlaıdy QazAqparat
IID jedel josparlaý basqarmasynyń bastyǵy Erbol Bekturovtyń aıtýynsha, sý tasqynyn aldyn alý is-sharalaryna azamattyq qorǵaý qyzmetiniń qatysýy men daıyndyq jospary jasalyp, bekitilgen.
Qutqarýshylar oblystaǵy 1500 turǵyn úıi bar 95 eldi mekende sý basý qaýpi bar ekenin aıtyp otyr.
Polısııa qyzmetkerleri joldardyń jaǵdaıyn baqylaýda. Qaýipsizdikti jáne avtokólikterdiń úzdiksiz qozǵalysyn, joldardyń ashyq bolýyn qamtamasyz etý maqsatynda sý basý qaýpi bar 291 ýchaske baqylaýǵa alyndy. Respýblıkalyq mańyzy bar barlyq 1468 shaqyrymdyq joldy táýlik boıy IID jol-patrýldik polısııa batalonynyń 15 ekıpajy kúzetýde.
SQO tótenshe jaǵdaılar departamentiniń bastyǵy Pavel Fılıppov jol-patrýldik polısııa qyzmetkerlerine tas joldardaǵy sý ótkizetin qubyrlardyń jaǵdaıyn qatań baqylaýda ustaý kerektigin nyqtap aıtty.
Jınalys sońynda SQO IID bastyǵy Berik Bilálov tasqynǵa qarsy sharalarǵa baılanysty aýdandardaǵy aýmaqtyq bólimsheler basshylarynyń jeke jaýapkershiligi týraly eskertti.