Astana prosesi qaıta jalǵasty

Alqaly jıynǵa Sırııa úkimeti men osy eldegi qarýly oppozısııasynyń delegasııalary, atysty toqtatý rejimine kepil memleketteri – Reseı, Túrkııa jáne Iran elderiniń, sonymen qatar, Iordanııanyń, Birikken Ulttar Uıymynyń, baqylaýshy retinde AQSh-tyń delegasııalary qatysty. Astanadaǵy kelissózder 23-24 qań­tarda elordada ótken bi­rin­­shi kezdesýde qol jetkizil­gen, bi­­tim­ge kelý týraly keli­sim­­der­­di jú­ze­ge asyrý arqyly Sırııa má­se­­le­lerin retteý prose­s­in­de ilge­ri­­leý­shilikterdi qamta­ma­syz etýge ba­ǵyt­taldy. Jıyn­ǵa q­atys­qan de­le­ga­sııalar kezde­sý­diń uıym­das­­ty­rylǵany úshin alǵys­taryn bil­di­rip, Sırııa daǵdarysyn retteý jol­­daryn qarastyrýǵa Qa­zaq­­stan Pre­zıdenti Nursultan Nazarbaevtyń qosqan úlesine joǵa­ry baǵa berdi. Eki kúnge sozylǵan kelissózder nátıjesinde kepil memleketter áskerı is-qımyldardy toqtatý reji­mine monıtorıng jasaý jónin­degi birlesken jedel top týra­ly ereje kelisilgeni týraly habar­lady. Birlesken jedel top atqara­tyn mindetterdiń qatarynda qarý­lan­ǵan oppozısııalyq toptardy terro­rıstik uıymdardan ajyra­tý­dy qamtamasyz etý, Sırııa qaq­ty­ǵysyn saıası turǵyda retteýdi il­geri­letý boıynsha senim sharalaryn nyǵaıtý syndy mańyzdy máseleler bar. Atalǵan top taraptardyń áske­rı is-qımyldardy toqtatý má­se­­leleri boıynsha turaqty túr­de keńes ótkizip turady jáne BUU Qaýip­sizdik Keńesiniń 2254 qara­ry­nyń buzylý oqıǵalaryn tekse­redi. Sonymen qatar, zorlyq-zomby­lyqtyń ýshyǵýyna jol bermeı, Sırııadaǵy gýmanıtarlyq ahýaldyń jaqsarýyna atsalysatyn bolady. Elimizdiń Syrtqy ister mı­nıstrligi málimdegendeı, Qazaq­stan qol jetkizilgen kelisimderdi qoldaı otyryp, Astana prosesiniń kezekti otyrysynyń nátıjesin Sırııaǵa qatysty únqatysýda mańyzdy qadam dep sanaıdy. Bul BUU aıasynda Jenevada ótetin kelissózderdiń tabysty bolýyna oń yqpalyn tıgizýi tıis. Arnur ASQAR, «Egemen Qazaqstan»