Jańǵyrtý qarsańyndaǵy Qazaqstan

Ár memleket óziniń damý kezeńderinde túrli ózgeristerdi basynan ótkeredi. Qazaqstan da osyndaı ózgeristerden tys qalǵan joq. Kezinde Ke­ńes Odaǵynyń quramynda bol­ǵan Qazaqstan búginde dúnıe júzindegi tanymal memle­ket­terdiń birine aınaldy. Tıimdi qurylǵan prezıdenttik basqarý formasynyń arqasynda saıası, áleýmettik-ekonomıkalyq, saýda jáne mádenı-gýmanıtarlyq salalarda tańǵalarlyq tabys­tarǵa qol jetkizdi. Qazaq­standaǵy turaqtylyq pen kóp­vektorly saıasat el ekonomı­kasyna 200 mıllıard AQSh dollarynan astam qarjy tar­týdyń kepili boldy. Búgingi tańda Qazaqstan eli senimdi saıası jáne saýda árip­tesi retinde aımaqtyq jáne ha­lyqaralyq uıymdardyń qurmetti múshesi bolyp taby­lady. BUU-ǵa 1992 jyly múshe­likke qabyldanǵannan bergi aralyqta Qazaqstan únemi jahandyq deńgeıde basta­ma­shylyq tanytyp, qandaı da bir halyqaralyq daýlar men qaqtyǵystardy beıbit jolmen ret­teýge atsalysyp keledi. Atap aıtar bolsaq, Irannyń ıadro­lyq baǵdarlamasyn sheshý boıynsha kelisimderge, son­daı-aq eki márte bolyp ótken Sırııadaǵy máselelerge qatys­ty taraptardyń kezdesýine kelissóz alańyn usyndy. Tereń oılastyrylǵan mem­lekettik bılik júıesiniń ar­qasynda el óziniń ishki damýynda da orasan zor tabystarǵa qol jetkizdi. Azamattyq qoǵam ınstıtýttary, memlekettik organdardyń sapaly jumysy qalyptasty. Qazaqstan Prezıdentiniń el­diń bılik tarmaqtary arasynda ókilettikterdi qaıta bólý týraly sheshimi Qazaqstan hal­­qy­nyń ál-aýqatyn art­ty­­­rý­­ǵa baǵyttalǵan joldyń zań­­­­dy jalǵasy bolyp taby­la­­­dy. Endigi ýaqytta el Par­la­­­­menti­niń róli men ornyn aı­tar­­lyq­taı kúsheıtý, Úkimet­tiń óki­­let­tigin keńeıtý qaras­ty­ry­lyp otyr. Memleket bas­shy­sy bılik tarmaqtarynyń qarym-qatynasynda joǵarǵy tóre­­shi retinde strategııalyq qyz­­­met­terdi júzege asyrady. Sony­­men qatar, Prezıdent Nursul­tan Nazarbaev syrtqy saıa­­sat­­qa, ulttyq qaýipsizdikke jáne eldiń qorǵanys qabilet­ti­li­­gine basa nazar aýdaratyn bolady. Konstıtýsııalyq reformalar asa zor mańyzǵa ıe jáne ol der kezinde usynyldy dep sanaımyn, sebebi, Úkimet pen Parlamenttiń rólin kúsheıtý men jaýapkershiligin arttyrý eldiń odan ári damýy úshin tıimdi ári zamanaýı basqarý júıesin qalyptastyrýǵa oń yqpal etedi. Mılanka KARICh, Serbııa Respýblıkasy Parlamentiniń depýtaty